Aqtóbede Almatydan páter jalǵa beremiz dep turǵyndardy aldaǵan bir týǵan ápke-ini ustaldy, dep habarlaidy ult.kz.
Oblystyq politsiia departamentiniń málimetinshe, kúdiktiler tanymal internet-platformalardyń birinde Almaty qalasyndaǵy páterlerdi arzan baǵamen jalǵa berý týraly jalǵan habarlandyrý jariialaǵan.
Alaiaqtardyń arbaýyna jazǵy demalysta Almatyǵa barýdy josparlaǵan Aqtóbe turǵyndary túsken. Kúdiktiler telefon arqyly ózderin páter iesi retinde tanystyryp, aldyn ala tólem jasaýdy suraǵan.
Jábirlenýshiler 10 myńnan 55 myń teńgege deiin aqsha aýdarǵan. Alaida tólem túskennen keiin kúdiktiler bailanysqa shyqpai qoiǵan.
Qazir tórt jábirlenýshi anyqtaldy.
Jedel is-sharalar barysynda politsiia 33 jastaǵy áiel men 24 jastaǵy er adamdy ustady. Olar – týǵan ápke-ini. Politsiia bólimine jetkizilgen kúdiktiler kinásin moiyndaǵan.
Qazir atalǵan derek boiynsha sotqa deiingi tergeý júrgizilip jatyr.
