Aqtóbe oblysynda «Kazenergy» jeke kásipkerliginiń basshysy zańsyz kásipkerlikpen ainalysyp, qylmystyq jolmen alynǵan qarajatty zańdastyrǵany úshin 3 jyl 9 aiǵa bas bostandyǵynan aiyryldy. Bul týraly Qarjylyq monitoring agenttigi málimdedi, dep habarlaidy ult.kz.
Tergeý málimetinshe, kásipker aýmaǵy 10 myń sharshy metr óndiristik bazada tiisti litsenziia men ekologiialyq ruqsatsyz qaýipti qaldyqtardy óńdep, pesh otynyn óndirgen.
Shikizat retinde paidalanylǵan mailar, munai shlamy jáne quramynda munaiy bar ózge de qaldyqtar qoldanylǵan. Olar naftamen aralastyrylyp, ainalym ádisimen óńdelgen.
Nátijesinde 11 million litrden astam pesh otyny satylyp, 778 million teńge kóleminde zańsyz tabys alynǵan.
Qarjylyq monitoring agenttiginiń málimetinshe, óndirilgen otyn ulttyq sapa standarttaryna sáikes kelmegen ári quramynda ziiandy himiialyq zattar bolǵan.
Sot kásipkerdiń óndiristik nysanyn, avtokólikterin jáne bank shottaryndaǵy qarajatyn tárkileý týraly sheshim shyǵardy.
Sot úkimi ázirge zańdy kúshine engen joq.
