اقتٶبە وبلىسىندا «Kazenergy» جەكە كەسٸپكەرلٸگٸنٸڭ باسشىسى زاڭسىز كەسٸپكەرلٸكپەن اينالىسىپ, قىلمىستىق جولمەن الىنعان قاراجاتتى زاڭداستىرعانى ٷشٸن 3 جىل 9 ايعا باس بوستاندىعىنان ايىرىلدى. بۇل تۋرالى قارجىلىق مونيتورينگ اگەنتتٸگٸ مەلٸمدەدٸ, دەپ حابارلايدى ult.kz.
تەرگەۋ مەلٸمەتٸنشە, كەسٸپكەر اۋماعى 10 مىڭ شارشى مەتر ٶندٸرٸستٸك بازادا تيٸستٸ ليتسەنزييا مەن ەكولوگييالىق رۇقساتسىز قاۋٸپتٸ قالدىقتاردى ٶڭدەپ, پەش وتىنىن ٶندٸرگەن.
شيكٸزات رەتٸندە پايدالانىلعان مايلار, مۇناي شلامى جەنە قۇرامىندا مۇنايى بار ٶزگە دە قالدىقتار قولدانىلعان. ولار نافتامەن ارالاستىرىلىپ, اينالىم ەدٸسٸمەن ٶڭدەلگەن.
نەتيجەسٸندە 11 ميلليون ليتردەن استام پەش وتىنى ساتىلىپ, 778 ميلليون تەڭگە كٶلەمٸندە زاڭسىز تابىس الىنعان.
قارجىلىق مونيتورينگ اگەنتتٸگٸنٸڭ مەلٸمەتٸنشە, ٶندٸرٸلگەن وتىن ۇلتتىق ساپا ستاندارتتارىنا سەيكەس كەلمەگەن ەرٸ قۇرامىندا زيياندى حيمييالىق زاتتار بولعان.
سوت كەسٸپكەردٸڭ ٶندٸرٸستٸك نىسانىن, اۆتوكٶلٸكتەرٸن جەنە بانك شوتتارىنداعى قاراجاتىن تەركٸلەۋ تۋرالى شەشٸم شىعاردى.
سوت ٷكٸمٸ ەزٸرگە زاڭدى كٷشٸنە ەنگەن جوق.
