Týrizm jáne sport ministrligi mánerlep syrǵanaýshy Mihail Shaidorov boiynsha týyndaǵan kelisimshart máselesiniń tolyq sheshimin tapqanyn málimdedi, dep habarlaidy ult.kz.
Vitse-ministr Serik Jarasbaevniń sózinshe, kelisimshart sportshynyń komandasyna joldanyp, barlyq tarmaqtar eki taraptyń qatysýymen jan-jaqty talqylanǵan. Nátijesinde qujatqa qol qoiylyp, kelisimde kózdelgen qarjy tolyq kólemde tólenetin boldy.
Ministrlik Shaidorovtyń halyqaralyq jarystardaǵy jetistikterin joǵary baǵalap, ony qazaqstandyq sporttyń jarqyn ókilderiniń biri ekenin atap ótti.
Sondai-aq 5 maýsym kúni sportshy jańa maýsymǵa daiyndyq jumystaryn bastaý úshin AQSh-qa jol tartady. Aldaǵy ýaqytta ol jáne onyń komandasy Týrizm jáne sport ministrligimen kezdesip, kelesi Olimpiada oiyndaryna daiyndyq josparyn talqylaidy.
Kezdesý barysynda Qazaqstandaǵy mánerlep syrǵanaý sportyn damytýǵa qatysty ózekti máseleler de qaralady.
