Aqmola oblysynyń Tselinograd aýdanynda kirpish zaýytynyń qurylysynda ruqsat qujattarynsyz jumys istep júrgen 75 Qytai azamaty anyqtaldy, dep habarlaidy ult.kz.
Oblystyq politsiia departamentiniń málimetinshe, 9 qyrkúiekte politsiia qyzmetkerleri Jabai aýylynyń mańynda salynyp jatqan kirpish zaýytyna tekserý júrgizgen. Nátijesinde qurylys jumystaryn zańsyz atqaryp júrgen shetel azamattary anyqtalyp, barlyǵy aýdandyq politsiia bólimine jetkizildi.
Politsiia málimetinshe, sheteldikter kóshi-qon zańnamasyn buzyp, tiisti ruqsat qujattarynsyz eńbek etken. Olarǵa qatysty ákimshilik hattamalar toltyryldy.
Sonymen qatar eki kún ishinde kóshi-qon politsiiasy 59 zań buzýshylyqty anyqtaǵan. Onyń 39-yna shetel azamattary qatysy bar. Budan bólek, sheteldikterge turǵyn úi berip, bul týraly politsiiaǵa habarlamaǵan 18 jaǵdai tirkeldi.
