Jangeldin aýylynda bolǵan jantúrshigerlik qylmysqa qatysty tyń derekter jariia bolýda. Tergeý málimetinshe, aiyptalýshy Sultan Sársemáliev baldyzy Naýryzdy ótken jyldyń mamyr aiynda pyshaqtap óltirgen. Sol kezeńde týystarynyń «Naýryz jumysqa qalaǵa ketken» dep aitýy da osy oqiǵamen tuspa-tus kelgen, dep habarlaidy ult.kz.
Tergeý nusqasyna sáikes, arada shamamen jarty jyl ótken soń, qarasha aiynda ol otbasynyń taǵy úsh múshesiniń — ata-anasy men Miramkúldiń ólimine qatysy bolýy múmkin degen kúdikke ilindi.
Al Aqbaian Muqanǵalieva qazir Almatydaǵy respýblikalyq psihiatriialyq dispanserde tekseristen ótip jatyr. Jaqyndarynyń sózinshe, ol ózine kelgen adamdardan ata-anasynyń jaǵdaiyn surap, Naýryzdy izdei beredi eken.
Jelide taraǵan málimetterdiń biri kópshilikti eseńgiretip otyr. Aqbaian tórt balasyn ǵana esinde saqtap, besinshi sábiin dúniege ákelgenin bilmeidi degen aqparat aitylýda.
