Apelliatsiialyq alqada tutynýshylar quqyǵyn qorǵaý komitetiniń «Bek Eir» kompaniiasyna qatysty aryzy boiynsha sot sheshimi ózgerissiz qaldy, dep habarlaidy "Ult aqparat".
26 qazanda Almaty qalalyq sotynyń azamattyq ister jónindegi apelliatsiialyq sot alqasynyń qorytyndy otyrysy ótti. Sot birinshi satydaǵy sottyń sheshimin ózgerissiz qaldyrý, al «Bek Eir» AQ apelliatsiialyq shaǵymyn qanaǵattandyrmaý týraly sheshim shyǵardy.
Sot sheshimi jariia etilgen kezden bastap kúshine enedi.
Esterińizge sala keteiik, tutynýshylar quqyǵyn qorǵaý komiteti 3 shildede sotqa talap aryz berip, onda 5,9 mln teńgege bilet satyp alǵan 81 tutynýshynyń múddesine ókildik etken edi.
24 shildede Almaty qalasy Túrksib aýdandyq soty komitettiń talap aryzyn qanaǵattandyrdy, oǵan «Bek Eir» AQ apelliatsiialyq shaǵym berdi.
Sonymen qatar, Qazaqstan Respýblikasynyń Azamattyq protsestik kodeksiniń 241-babyna sáikes, sottyń sheshimi zańdy kúshine engennen keiin atqarý paraǵy jazylyp beriledi. Atqarý paraǵyn birinshi satydaǵy sot sheshim zańdy kúshine engen nemese is joǵary turǵan sottan qaitarylǵan kúnnen bastap úsh jumys kúni ishinde jazyp beredi.
Almaty qalalyq sotynyń apelliatsiialyq sot alqasynda «Bek Eir» AQ komitettiń ekinshi talaby boiynsha apelliatsiialyq shaǵymy qaralyp jatyr.
Odan bólek, Almaty qalasy Túrksib aýdandyq soty «Bek Eir» AQ-ǵa qatysty úshinshi talapty qarastyryp jatqanyn qosymsha habarlaimyz, onda TQQK 535 tutynýshynyń múddesin qorǵaidy, talap qoiý somasy - 33,8 mln teńge.
Kezekti otyrys 28 qazan saǵat 15:00-ge belgilengen.
