Batys Qazaqstan oblysynyń turǵyny Natasha Qalymbetova 30 jyl buryn ózin aýyldas tórt er adamnyń zorlaǵanyn málimdep, AQSh-qa baryp, qyzymen birge DNQ saraptamasynan ótýdi josparlap otyr, dep habarlaidy ult.kz.

Onyń aitýynsha, Amerikada turatyn qyzy saraptama jasatýdy ózi usynǵan. Qalymbetova onyń nátijesi sotqa jetkizýge tyrysyp júrgen isi boiynsha jańa dálelder alýǵa kómektesedi dep úmittenedi.

Áiel sońyna deiin kúresýge bekingenin jáne óziniń aitýynsha, 17 jasynda basynan ótken oqiǵa týraly endi únsiz qalmaitynyn jetkizdi.

Buǵan deiin Qalymbetova sol oqiǵadan keiin dúniege kelgen qyzyn sheteldik otbasy asyrap alyp, AQSh-qa alyp ketkenin aitqan edi.

Aita keteiik, Natasha Qalymbetova anasynan aiyrylǵanyn aityp, jan syryn aqtardy.

Natasha Qalymbetova kim? 
 

Natasha (Natalia) Qalymbetova - Batys Qazaqstan oblysynyń týmasy. Ol 17 jasynda aýyldas tórt er adamnyń zorlyǵyna ushyraǵanyn aityp, arada 30 jyl ótken soń osy oqiǵaǵa qoǵam nazaryn aýdardy. Qalymbetova kinálilerdiń jaýapqa tartylýyn jáne sol oqiǵadan keiin dúniege kelgen qyzynyń taǵdyryn anyqtaýdy kózdeitinin jetkizgen.

Óziniń aitýynsha, qyzyn sheteldik otbasy asyrap alyp, AQSh-qa áketken. Keiin qyzymen bailanys ornatqanyn, endi Amerikaǵa baryp, onymen birge DNQ saraptamasynan ótýdi josparlap otyrǵanyn málimdedi. Bul jospary týraly 2026 jylǵy 19 qazanda habarlandy.