اپەللياتسييالىق القادا تۇتىنۋشىلار قۇقىعىن قورعاۋ كوميتەتٸنٸڭ «بەك ەير» كومپانيياسىنا قاتىستى ارىزى بويىنشا سوت شەشٸمٸ ٶزگەرٸسسٸز قالدى, دەپ حابارلايدى "ۇلت اقپارات".
26 قازاندا الماتى قالالىق سوتىنىڭ ازاماتتىق ٸستەر جٶنٸندەگٸ اپەللياتسييالىق سوت القاسىنىڭ قورىتىندى وتىرىسى ٶتتٸ. سوت بٸرٸنشٸ ساتىداعى سوتتىڭ شەشٸمٸن ٶزگەرٸسسٸز قالدىرۋ, ال «بەك ەير» اق اپەللياتسييالىق شاعىمىن قاناعاتتاندىرماۋ تۋرالى شەشٸم شىعاردى.
سوت شەشٸمٸ جارييا ەتٸلگەن كەزدەن باستاپ كٷشٸنە ەنەدٸ.
ەستەرٸڭٸزگە سالا كەتەيٸك, تۇتىنۋشىلار قۇقىعىن قورعاۋ كوميتەتٸ 3 شٸلدەدە سوتقا تالاپ ارىز بەرٸپ, وندا 5,9 ملن تەڭگەگە بيلەت ساتىپ العان 81 تۇتىنۋشىنىڭ مٷددەسٸنە ٶكٸلدٸك ەتكەن ەدٸ.
24 شٸلدەدە الماتى قالاسى تٷركسٸب اۋداندىق سوتى كوميتەتتٸڭ تالاپ ارىزىن قاناعاتتاندىردى, وعان «بەك ەير» اق اپەللياتسييالىق شاعىم بەردٸ.
سونىمەن قاتار, قازاقستان رەسپۋبليكاسىنىڭ ازاماتتىق پروتسەستٸك كودەكسٸنٸڭ 241-بابىنا سەيكەس, سوتتىڭ شەشiمi زاڭدى كٷشiنە ەنگەننەن كەيiن اتقارۋ پاراعى جازىلىپ بەرٸلەدٸ. اتقارۋ پاراعىن بiرiنشi ساتىداعى سوت شەشiم زاڭدى كٷشiنە ەنگەن نەمەسە iس جوعارى تۇرعان سوتتان قايتارىلعان كٷننەن باستاپ ٷش جۇمىس كٷنٸ iشiندە جازىپ بەرەدٸ.
الماتى قالالىق سوتىنىڭ اپەللياتسييالىق سوت القاسىندا «بەك ەير» اق كوميتەتتٸڭ ەكٸنشٸ تالابى بويىنشا اپەللياتسييالىق شاعىمى قارالىپ جاتىر.
ودان بٶلەك, الماتى قالاسى تٷركسٸب اۋداندىق سوتى «بەك ەير» اق-عا قاتىستى ٷشٸنشٸ تالاپتى قاراستىرىپ جاتقانىن قوسىمشا حابارلايمىز, وندا تققك 535 تۇتىنۋشىنىڭ مٷددەسٸن قورعايدى, تالاپ قويۋ سوماسى - 33,8 ملن تەڭگە.
كەزەكتٸ وتىرىس 28 قازان ساعات 15:00-گە بەلگٸلەنگەن.
