Memleket basshysy Qasym-Jomart Toqaev agroónerkásip kesheni týraly ulttyq jobany maýsymǵa deiin reformalar jónindegi joǵarǵy keńeste qaraýdy tapsyrdy, dep habarlaidy QazAqparat.
«Meniń tapsyrmammen agroónerkásip kesheni týraly ulttyq joba ázirlenýde. Aldaǵy bes jylda bul máseleni sheshýge tiispiz. Ony aldaǵy maýsymnan qaldyrmai reformalar jónindegi joǵarǵy keńestiń otyrysynda qaraýdy tapsyramyn», - dedi Qasym-Jomart Toqaev Úkimettiń keńeitilgen otyrysynda.
Prezidenttiń aitýynsha, paidalanylmai jatqan jaiylymdar aýyl halqynyń igiligine berilýi kerek. Aýyldaǵy halyq teń múmkindik berý turǵysynan jańa ári serpindi sheshimderdi kútip otyr.
Eske sala ketsek, buǵan deiin Prezident jyl sońyna deiin paidalanbai jatqan jaiylymdardy qaitarýdy júktegen edi. Onyń aitýynsha, aýyl turǵyndary mal jaiatyn jaiylym tappai qinalýda.
Ásirese Almaty, Túrkistan oblystarynan aryz-shaǵymdar kóp túsýde. Jaiylymdardyń 99 paiyzy sharýa qojalyqtardyń ieliginde. Alaida onyń 36 paiyzynda ǵana mal jaiylady.
Sondai-aq Qasym-Jomart Toqaev Úkimetke biyl qarasha aiyna deiin Jer kodeksine túzetý engizilýin qamtamasyz etýdi tapsyrdy.
