مەملەكەت باسشىسى قاسىم-جومارت توقاەۆ اگروٶنەركەسٸپ كەشەنٸ تۋرالى ۇلتتىق جوبانى ماۋسىمعا دەيٸن رەفورمالار جٶنٸندەگٸ جوعارعى كەڭەستە قاراۋدى تاپسىردى, دەپ حابارلايدى قازاقپارات.
«مەنٸڭ تاپسىرماممەن اگروٶنەركەسٸپ كەشەنٸ تۋرالى ۇلتتىق جوبا ەزٸرلەنۋدە. الداعى بەس جىلدا بۇل مەسەلەنٸ شەشۋگە تيٸسپٸز. ونى الداعى ماۋسىمنان قالدىرماي رەفورمالار جٶنٸندەگٸ جوعارعى كەڭەستٸڭ وتىرىسىندا قاراۋدى تاپسىرامىن», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنتتٸڭ ايتۋىنشا, پايدالانىلماي جاتقان جايىلىمدار اۋىل حالقىنىڭ يگٸلٸگٸنە بەرٸلۋٸ كەرەك. اۋىلداعى حالىق تەڭ مٷمكٸندٸك بەرۋ تۇرعىسىنان جاڭا ەرٸ سەرپٸندٸ شەشٸمدەردٸ كٷتٸپ وتىر.
ەسكە سالا كەتسەك, بۇعان دەيٸن پرەزيدەنت جىل سوڭىنا دەيٸن پايدالانباي جاتقان جايىلىمداردى قايتارۋدى جٷكتەگەن ەدٸ. ونىڭ ايتۋىنشا, اۋىل تۇرعىندارى مال جاياتىن جايىلىم تاپپاي قينالۋدا.
ەسٸرەسە الماتى, تٷركٸستان وبلىستارىنان ارىز-شاعىمدار كٶپ تٷسۋدە. جايىلىمداردىڭ 99 پايىزى شارۋا قوجالىقتاردىڭ يەلٸگٸندە. الايدا ونىڭ 36 پايىزىندا عانا مال جايىلادى.
سونداي-اق قاسىم-جومارت توقاەۆ ٷكٸمەتكە بيىل قاراشا ايىنا دەيٸن جەر كودەكسٸنە تٷزەتۋ ەنگٸزٸلۋٸن قامتاماسىز ەتۋدٸ تاپسىردى.
