Foto: © Sputnik / Bolat Shaihinov
Antikor "Qairat Satybaldyuly temir tordyń ar jaǵynda otyryp, qonaqúi satyp aldy" delingen aqparatqa jaýap berdi, dep habarlaidy "Ult aqparat" agenttiktiń baspasóz qyzmetine silteme jasap.
"Jekelegen azamattar BAQ jáne áleýmettik jelilerde «Double Tree by Hilton Almaty» qonaq úiin Q.Satybaldyulymen qosa adamdar tobynyń iemdený áreketteri týraly aqparat jariialady.
Barlyǵyna belgili, sottalǵan Q. Satybaldyuly qylmystyq-atqarý júiesiniń tiisti mekemesinde bas bostandyǵynan aiyrý túrindegi jazasyn ótep jatyr. Bul rette oǵan qatysty salyqtardy tólemeýge jáne qylmystyq kiristerdi zańdastyrýǵa bailanysty qylmystardyń basqa epizodtary boiynsha tergeý jalǵasyp jatyr. Tergeý barysynda zańsyz shyǵarylǵan aktivterdi, sondai-aq qylmystyq qarajatqa satyp alynǵan múlikti qaitarý boiynsha sharalar qabyldanady.
Osyǵan bailanysty Satybaldyulyna zalaldy óteý maqsatynda biznes ortalyqtar, ákimshilik ǵimarattar, kommertsiialyq úi-jailar, úiler, páterler, aiaqtalmaǵan qurylys obektileri, jer ýchaskeleri, ekskliýzivti zergerlik buiymdar, liýks avtomashinalar men aqshalai qarajat memleketke beriledi. Olardyń qataryna 2021 jyldyń qarasha aiynda Satybaldyulymen bailanysty kásiporyn satyp alǵan «Double Tree by Hilton Almaty» qonaq úii kiredi" - delingen habarlamada.
Quzyrly vedomstvo azamattardy jalǵan aqparat taratýǵa jol bermeýge shaqyrdy.
