فوتو: © Sputnik / بولات شايحينوۆ
انتيكور "قايرات ساتىبالدىۇلى تەمٸر توردىڭ ار جاعىندا وتىرىپ, قوناقٷي ساتىپ الدى" دەلٸنگەن اقپاراتقا جاۋاپ بەردٸ, دەپ حابارلايدى "ۇلت اقپارات" اگەنتتٸكتٸڭ باسپاسٶز قىزمەتٸنە سٸلتەمە جاساپ.
"جەكەلەگەن ازاماتتار باق جەنە ەلەۋمەتتٸك جەلٸلەردە «Double Tree by Hilton Almaty» قوناق ٷيٸن ق.ساتىبالدىۇلىمەن قوسا ادامدار توبىنىڭ يەمدەنۋ ەرەكەتتەرٸ تۋرالى اقپارات جارييالادى.
بارلىعىنا بەلگٸلٸ, سوتتالعان ق. ساتىبالدىۇلى قىلمىستىق-اتقارۋ جٷيەسٸنٸڭ تيٸستٸ مەكەمەسٸندە باس بوستاندىعىنان ايىرۋ تٷرٸندەگٸ جازاسىن ٶتەپ جاتىر. بۇل رەتتە وعان قاتىستى سالىقتاردى تٶلەمەۋگە جەنە قىلمىستىق كٸرٸستەردٸ زاڭداستىرۋعا بايلانىستى قىلمىستاردىڭ باسقا ەپيزودتارى بويىنشا تەرگەۋ جالعاسىپ جاتىر. تەرگەۋ بارىسىندا زاڭسىز شىعارىلعان اكتيۆتەردٸ, سونداي-اق قىلمىستىق قاراجاتقا ساتىپ الىنعان مٷلٸكتٸ قايتارۋ بويىنشا شارالار قابىلدانادى.
وسىعان بايلانىستى ساتىبالدىۇلىنا زالالدى ٶتەۋ ماقساتىندا بيزنەس ورتالىقتار, ەكٸمشٸلٸك عيماراتتار, كوممەرتسييالىق ٷي-جايلار, ٷيلەر, پەتەرلەر, اياقتالماعان قۇرىلىس وبەكتٸلەرٸ, جەر ۋچاسكەلەرٸ, ەكسكليۋزيۆتٸ زەرگەرلٸك بۇيىمدار, ليۋكس اۆتوماشينالار مەن اقشالاي قاراجات مەملەكەتكە بەرٸلەدٸ. ولاردىڭ قاتارىنا 2021 جىلدىڭ قاراشا ايىندا ساتىبالدىۇلىمەن بايلانىستى كەسٸپورىن ساتىپ العان «Double Tree by Hilton Almaty» قوناق ٷيٸ كٸرەدٸ" - دەلٸنگەن حابارلامادا.
قۇزىرلى ۆەدومستۆو ازاماتتاردى جالعان اقپارات تاراتۋعا جول بەرمەۋگە شاقىردى.
