Qazaqstan avtobiznes qaýymdastyǵynyń vitse-prezidenti Anar Maqasheva kádege jaratý alymy mólsherlemesiniń 50 paiyzǵa tómendetiletindigine qatysty pikir bildirdi, dep habarlaidy QazAqparat.
«Qaýymdastyq quramyna resmi óndirýshilermen qatar kólik quralyn importtaýshylar da kiredi. Óndirýshiler úshin ahýal esh ózgermeidi. Óitkeni, kólik quramynyń qunyna kádege jaratý alymy qosylmaǵan. Óndirýshilerimiz de zańnamaǵa sai kádege jaratý alymyn tóleýge kelisedi. Olar da kádege jaratý alymyn tóleýshiler sanalady. Odan keiin kádege jaratý alymy qarajatyn jinaýmen ainalysatyn operator dál sol somany sońǵy tutynýshyǵa ýtilalym tólemi qosylmaýy úshin qaitaryp beredi», - dep atap ótedi qaýymdastyq ókili.
Sonymen qatar Anar Maqasheva ýtil alymynan túsken qarajattyń jeńildikpen, jyldyq 4 paiyz mólsherlememen jeńildetilgen nesie berý baǵdarlamasyna jumsalatyndyǵyna toqtalyp, munyń oryndy sheshim ekenin atap ótti.
«Óitkeni, Qazaqstan naryǵyndaǵy jańa kólik satyp alýǵa qatysty ortasha mólsherleme shamamen 17-25, tipti keibir kompaniialarda 40 paiyzǵa deiin jetedi. Al jyldyq 4 paiyzdyq mólsherleme - jańǵa kólik satyp alý úshin qoljetimdi qarjylyq baǵdarlama. Bul tipti bólip tóleýden de áldeqaida jaqsy», - dedi ol.
