قازاقستان اۆتوبيزنەس قاۋىمداستىعىنىڭ ۆيتسە-پرەزيدەنتٸ انار ماقاشەۆا كەدەگە جاراتۋ الىمى مٶلشەرلەمەسٸنٸڭ 50 پايىزعا تٶمەندەتٸلەتٸندٸگٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«قاۋىمداستىق قۇرامىنا رەسمي ٶندٸرۋشٸلەرمەن قاتار كٶلٸك قۇرالىن يمپورتتاۋشىلار دا كٸرەدٸ. ٶندٸرۋشٸلەر ٷشٸن احۋال ەش ٶزگەرمەيدٸ. ٶيتكەنٸ, كٶلٸك قۇرامىنىڭ قۇنىنا كەدەگە جاراتۋ الىمى قوسىلماعان. ٶندٸرۋشٸلەرٸمٸز دە زاڭناماعا ساي كەدەگە جاراتۋ الىمىن تٶلەۋگە كەلٸسەدٸ. ولار دا كەدەگە جاراتۋ الىمىن تٶلەۋشٸلەر سانالادى. ودان كەيٸن كەدەگە جاراتۋ الىمى قاراجاتىن جيناۋمەن اينالىساتىن وپەراتور دەل سول سومانى سوڭعى تۇتىنۋشىعا ۋتيلالىم تٶلەمٸ قوسىلماۋى ٷشٸن قايتارىپ بەرەدٸ», - دەپ اتاپ ٶتەدٸ قاۋىمداستىق ٶكٸلٸ.
سونىمەن قاتار انار ماقاشەۆا ۋتيل الىمىنان تٷسكەن قاراجاتتىڭ جەڭٸلدٸكپەن, جىلدىق 4 پايىز مٶلشەرلەمەمەن جەڭٸلدەتٸلگەن نەسيە بەرۋ باعدارلاماسىنا جۇمسالاتىندىعىنا توقتالىپ, مۇنىڭ ورىندى شەشٸم ەكەنٸن اتاپ ٶتتٸ.
«ٶيتكەنٸ, قازاقستان نارىعىنداعى جاڭا كٶلٸك ساتىپ الۋعا قاتىستى ورتاشا مٶلشەرلەمە شامامەن 17-25, تٸپتٸ كەيبٸر كومپانييالاردا 40 پايىزعا دەيٸن جەتەدٸ. ال جىلدىق 4 پايىزدىق مٶلشەرلەمە - جاڭعا كٶلٸك ساتىپ الۋ ٷشٸن قولجەتٸمدٸ قارجىلىق باعدارلاما. بۇل تٸپتٸ بٶلٸپ تٶلەۋدەن دە ەلدەقايدا جاقسى», - دەدٸ ول.
