Foto: Almaty mádeniet basqarmasy
2025 jylǵy 30 qazan kúni Niderland Koroldiginiń astanasy Amsterdam qalasyndaǵy Iýnýs Emre Institýtynda Qazaqstan Respýblikasynyń Ulttyq merekesi – Respýblika kúnin merekeleý aiasynda Almaty qalasy mýzeiler birlestiginiń uiymdastyrýymen «Dástúr jalǵastyǵy: babalar amanaty» atty kórmeniń ashylýy ótti, dep habarlaidy Ult.kz.
Ekspozitsiia Almaty qalasy mýzeiler birlestiginiń qorynan alynǵan 70-ten astam biregei eksponatty qamtidy. Atalǵan kórme Uly Dala mádeni murasyn Eýropa jurtshylyǵyna tanytatyn, qazaq rýhaniiaty men tarihynyń tereń tamyryn pash etetin mańyzdy mádeni oqiǵa.
Kórmeniń ashylýynda sóz sóilegen Qazaqstan Respýblikasynyń Niderlandy Koroldigindegi Elshisiniń keńesshisi Aian Turarbekov:
«Búgingi ashylyp otyrǵan kórme biz úshin erekshe mańyzǵa ie, sebebi ol elimizdiń basty ulttyq merekesi – Qazaqstan Respýblikasynyń Respýblika kúnimen tuspa-tus kelip otyr. Ekspozitsiia Qazaqstannyń bai mádeni murasyn kórsetip, qazaq jáne túrik mádenieti arasyndaǵy ózara dialogtyń damýyna yqpal etedi. Almaty qalasy mýzeiler birlestigi men Iýnýs Emre Institýtynyń tarihi-mádeni murany saqtaý jáne álemdik deńgeide tanytý baǵytyndaǵy eńbegine zor alǵys bildiremiz» - dedi.
Foto: Almaty mádeniet basqarmasy
Bes taqyryptyq bólimnen turatyn kórmede, qazaq halqynyń turmys-tirshiligi men qoldanbaly ónerin beineleitin etnografiialyq artefaktiler jáne qazaq, túrki halyqtarynyń mýzykalyq aspaptary usynylǵan.
«2023 jyly Almaty mýzeiler birlestigi “Túrki áleminiń eń úzdik mýzeii” marapatyna ie boldy. Qazirgi ýaqytta Almaty mýzeii Eýropada qazaq mádenietin dáripteý jáne tanytý baǵytynda birqatar jobalardy júzege asyryp keledi. Bul bastamalar ulttyq murany halyqaralyq deńgeide keńinen nasihattap, mádeni bailanystardy nyǵaitýǵa yqpal etýde», - dep atap ótti TÚRKSOI halyqaralyq uiymynyń Bas hatshysy Sultan Raev.
Kórme Almaty qalasy ákimdiginiń, Qazaqstan Respýblikasynyń Niderlandy Koroldigindegi Elshiliginiń, Túrkiia Respýblikasynyń Niderlandy Koroldigindegi Elshiliginiń jáne Iýnýs Emre Institýtynyń qoldaýymen uiymdastyrylyp otyr.
Foto: Almaty mádeniet basqarmasy
Kórmeniń saltanatty ashylýyna diplomatiialyq korpýs, halyqaralyq jáne qoǵamdyq uiymdardyń basshylary, mádeniet jáne óner qairatkerleri jáne BAQ ókilderi qatysty.
Almaty qalasy mýzeiler birlestiginiń direktory Lázzat Qudaibergenqyzy Saǵyndyqova Almaty qalasy ákimi Darhan Amangeldiulynyń ystyq yqylasyn jetkize kele, bul kórme halyqaralyq yntymaqtastyqtyń jemisti nátijesi ekenin atap ótti.
«Almaty qalasy mýzeiler birlestigi qala ákimdiginiń qoldaýymen sońǵy 3 jylda, Ońtústik Koreia (Seýl), Avstriia (Vena), Frantsiia (Parij), Italiia (Neapol), Chehiia (Praga), Serbiia (Belgrad), Majarstan (Kartsag), Túrkiiada (Stambýl) 11 halyqaralyq kórme uiymdastyryp, qazaq halqynyń tarihy men mádenietin álemdik deńgeide tanystyryp keledi. Búgingi Amsterdamdaǵy kórme de – mýzeidiń halyqaralyq baǵyttaǵy júieli túrde júrgizilgen jumysynyń jalǵasy, qazaq mádenietiniń Eýropa keńistigindegi jańa bir kórinisi», – dedi.
Atap aitsaq, Qazaqstan Respýblikasy men Niderland Koroldigi arasyndaǵy diplomatiialyq qatynastar 1992 jylǵy 10 qyrkúiekte ornatylǵan. Qazaqstan men Niderlandy Koroldigi bir-biriniń mádeni dástúrleriniń bailyǵyn moiyndai jáne joǵary baǵalai otyryp, mádeni-gýmanitarlyq yntymaqtastyqty belsendi damytýda. Túrki mádenieti men ónerin búkil álemge tanymal etýdi maqsat tutqan halyqaralyq uiym bolyp tabylatyn Iýnýs Emre Institýty Niderlandyda mádenietaralyq dialogty nyǵaitýda mańyzdy ról atqarady.
«Dástúr jalǵastyǵy: babalar amanaty» kórmesi Amsterdam qalasynda 2025 jyldyń 14 qarashaǵa deiin jumys isteidi.
