فوتو: الماتى مەدەنيەت باسقارماسى
2025 جىلعى 30 قازان كٷنٸ نيدەرلاند كورولدٸگٸنٸڭ استاناسى امستەردام قالاسىنداعى يۋنۋس ەمرە ينستيتۋتىندا قازاقستان رەسپۋبليكاسىنىڭ ۇلتتىق مەرەكەسٸ – رەسپۋبليكا كٷنٸن مەرەكەلەۋ اياسىندا الماتى قالاسى مۋزەيلەر بٸرلەستٸگٸنٸڭ ۇيىمداستىرۋىمەن «دەستٷر جالعاستىعى: بابالار اماناتى» اتتى كٶرمەنٸڭ اشىلۋى ٶتتٸ, دەپ حابارلايدى Ult.kz.
ەكسپوزيتسييا الماتى قالاسى مۋزەيلەر بٸرلەستٸگٸنٸڭ قورىنان الىنعان 70-تەن استام بٸرەگەي ەكسپوناتتى قامتيدى. اتالعان كٶرمە ۇلى دالا مەدەني مۇراسىن ەۋروپا جۇرتشىلىعىنا تانىتاتىن, قازاق رۋحانيياتى مەن تاريحىنىڭ تەرەڭ تامىرىن پاش ەتەتٸن ماڭىزدى مەدەني وقيعا.
كٶرمەنٸڭ اشىلۋىندا سٶز سٶيلەگەن قازاقستان رەسپۋبليكاسىنىڭ نيدەرلاندى كورولدٸگٸندەگٸ ەلشٸسٸنٸڭ كەڭەسشٸسٸ ايان تۇراربەكوۆ:
«بٷگٸنگٸ اشىلىپ وتىرعان كٶرمە بٸز ٷشٸن ەرەكشە ماڭىزعا يە, سەبەبٸ ول ەلٸمٸزدٸڭ باستى ۇلتتىق مەرەكەسٸ – قازاقستان رەسپۋبليكاسىنىڭ رەسپۋبليكا كٷنٸمەن تۇسپا-تۇس كەلٸپ وتىر. ەكسپوزيتسييا قازاقستاننىڭ باي مەدەني مۇراسىن كٶرسەتٸپ, قازاق جەنە تٷرٸك مەدەنيەتٸ اراسىنداعى ٶزارا ديالوگتىڭ دامۋىنا ىقپال ەتەدٸ. الماتى قالاسى مۋزەيلەر بٸرلەستٸگٸ مەن يۋنۋس ەمرە ينستيتۋتىنىڭ تاريحي-مەدەني مۇرانى ساقتاۋ جەنە ەلەمدٸك دەڭگەيدە تانىتۋ باعىتىنداعى ەڭبەگٸنە زور العىس بٸلدٸرەمٸز» - دەدٸ.
فوتو: الماتى مەدەنيەت باسقارماسى
بەس تاقىرىپتىق بٶلٸمنەن تۇراتىن كٶرمەدە, قازاق حالقىنىڭ تۇرمىس-تٸرشٸلٸگٸ مەن قولدانبالى ٶنەرٸن بەينەلەيتٸن ەتنوگرافييالىق ارتەفاكتٸلەر جەنە قازاق, تٷركٸ حالىقتارىنىڭ مۋزىكالىق اسپاپتارى ۇسىنىلعان.
«2023 جىلى الماتى مۋزەيلەر بٸرلەستٸگٸ “تٷركٸ ەلەمٸنٸڭ ەڭ ٷزدٸك مۋزەيٸ” ماراپاتىنا يە بولدى. قازٸرگٸ ۋاقىتتا الماتى مۋزەيٸ ەۋروپادا قازاق مەدەنيەتٸن دەرٸپتەۋ جەنە تانىتۋ باعىتىندا بٸرقاتار جوبالاردى جٷزەگە اسىرىپ كەلەدٸ. بۇل باستامالار ۇلتتىق مۇرانى حالىقارالىق دەڭگەيدە كەڭٸنەن ناسيحاتتاپ, مەدەني بايلانىستاردى نىعايتۋعا ىقپال ەتۋدە», - دەپ اتاپ ٶتتٸ تٷركسوي حالىقارالىق ۇيىمىنىڭ باس حاتشىسى سۇلتان راەۆ.
كٶرمە الماتى قالاسى ەكٸمدٸگٸنٸڭ, قازاقستان رەسپۋبليكاسىنىڭ نيدەرلاندى كورولدٸگٸندەگٸ ەلشٸلٸگٸنٸڭ, تٷركييا رەسپۋبليكاسىنىڭ نيدەرلاندى كورولدٸگٸندەگٸ ەلشٸلٸگٸنٸڭ جەنە يۋنۋس ەمرە ينستيتۋتىنىڭ قولداۋىمەن ۇيىمداستىرىلىپ وتىر.
فوتو: الماتى مەدەنيەت باسقارماسى
كٶرمەنٸڭ سالتاناتتى اشىلۋىنا ديپلوماتييالىق كورپۋس, حالىقارالىق جەنە قوعامدىق ۇيىمداردىڭ باسشىلارى, مەدەنيەت جەنە ٶنەر قايراتكەرلەرٸ جەنە باق ٶكٸلدەرٸ قاتىستى.
الماتى قالاسى مۋزەيلەر بٸرلەستٸگٸنٸڭ ديرەكتورى لەززات قۇدايبەرگەنقىزى ساعىندىقوۆا الماتى قالاسى ەكٸمٸ دارحان امانگەلدٸۇلىنىڭ ىستىق ىقىلاسىن جەتكٸزە كەلە, بۇل كٶرمە حالىقارالىق ىنتىماقتاستىقتىڭ جەمٸستٸ نەتيجەسٸ ەكەنٸن اتاپ ٶتتٸ.
«الماتى قالاسى مۋزەيلەر بٸرلەستٸگٸ قالا ەكٸمدٸگٸنٸڭ قولداۋىمەن سوڭعى 3 جىلدا, وڭتٷستٸك كورەيا (سەۋل), اۆسترييا (ۆەنا), فرانتسييا (پاريج), يتالييا (نەاپول), چەحييا (پراگا), سەربييا (بەلگراد), ماجارستان (كارتساگ), تٷركييادا (ستامبۋل) 11 حالىقارالىق كٶرمە ۇيىمداستىرىپ, قازاق حالقىنىڭ تاريحى مەن مەدەنيەتٸن ەلەمدٸك دەڭگەيدە تانىستىرىپ كەلەدٸ. بٷگٸنگٸ امستەردامداعى كٶرمە دە – مۋزەيدٸڭ حالىقارالىق باعىتتاعى جٷيەلٸ تٷردە جٷرگٸزٸلگەن جۇمىسىنىڭ جالعاسى, قازاق مەدەنيەتٸنٸڭ ەۋروپا كەڭٸستٸگٸندەگٸ جاڭا بٸر كٶرٸنٸسٸ», – دەدٸ.
اتاپ ايتساق, قازاقستان رەسپۋبليكاسى مەن نيدەرلاند كورولدٸگٸ اراسىنداعى ديپلوماتييالىق قاتىناستار 1992 جىلعى 10 قىركٷيەكتە ورناتىلعان. قازاقستان مەن نيدەرلاندى كورولدٸگٸ بٸر-بٸرٸنٸڭ مەدەني دەستٷرلەرٸنٸڭ بايلىعىن مويىنداي جەنە جوعارى باعالاي وتىرىپ, مەدەني-گۋمانيتارلىق ىنتىماقتاستىقتى بەلسەندٸ دامىتۋدا. تٷركٸ مەدەنيەتٸ مەن ٶنەرٸن بٷكٸل ەلەمگە تانىمال ەتۋدٸ ماقسات تۇتقان حالىقارالىق ۇيىم بولىپ تابىلاتىن يۋنۋس ەمرە ينستيتۋتى نيدەرلاندىدا مەدەنيەتارالىق ديالوگتى نىعايتۋدا ماڭىزدى رٶل اتقارادى.
«دەستٷر جالعاستىعى: بابالار اماناتى» كٶرمەسٸ امستەردام قالاسىندا 2025 جىلدىڭ 14 قاراشاعا دەيٸن جۇمىس ٸستەيدٸ.
