Qyzylorda oblysynyń Aral aýdanynda politseiler túngi ýaqytta Toyota Land Cruiser kóligin toqtatyp, onyń tizgininde alty jasar balanyń otyrǵanyn anyqtady. Kólik balanyń ákesine tiesili, dep habarlaidy ult.kz.
Quqyq qorǵaýshylar yqtimal jol-kólik oqiǵasynyń aldyn alyp, bolǵan jaǵdaidyń mán-jaiyn anyqtady.
Balanyń ákesine bala qaýipsizdigin qamtamasyz etý jónindegi mindetterin tiisinshe oryndamaǵany jáne kámeletke tolmaǵan balanyń zańdy ókiliniń erip júrýinsiz túngi ýaqytta úiden tys jerde bolǵany úshin ákimshilik hattamalar toltyryldy.
Sot ata-anany ákimshilik jaýapkershilikke tartyp, aiyppul saldy.
Sonymen qatar politsiia qyzmetkerleri ata-analarmen jáne balamen profilaktikalyq áńgime júrgizdi.
