Almaty 2021-2022 jyldarda tolyq gazdandyrylady, dep habarlaidy "Ult aqparat".
«Byltyr 2020 jyly qala tolyq gazdandyrylady dep aityp júrgen bolatynbyz. Qazir qalada túrli jańa úiler salynyp jatyr, kún sanap ǵimarat sany artyp keledi. Endi gazben qamtý 2021 jyly tolyq aiaqtalady. Injenerlik turǵyn úi qurylysyna rásimdelgen jerler kóp, alaida olar áli salynyp jatyr», - dedi qalalyq Energotiimdilik pen infraqurylymdyq damý basqarmasynyń basshysy Áset Masabaev.
Onyń aitýynsha, qurylys jumystary Jetisý, Alataý, Medeý, Túrksib, Naýryzbai aýdandarynda qyzyp jatyr.
Osy aýdandardaǵy kóptegen úiler kezinde Almaty oblysyna qarasty bolǵan.
«Qazir «QazTransGaz Aimaq» JShS jańa jobalardy júzege asyryp jatyr. Eki jylda barlyq úilerge ortalyq gazben qamtý júiesi tartylady», - dedi ol.
Sonymen qatar, almatylyqtarǵa biyldan bastap gaz kirgizýge paiyzsyz nesie beriledi. Qujattar 10 tamyzdan bastap qabyldanady.
