الماتى 2021-2022 جىلداردا تولىق گازداندىرىلادى, دەپ حابارلايدى "ۇلت اقپارات".
«بىلتىر 2020 جىلى قالا تولىق گازداندىرىلادى دەپ ايتىپ جٷرگەن بولاتىنبىز. قازٸر قالادا تٷرلٸ جاڭا ٷيلەر سالىنىپ جاتىر, كٷن ساناپ عيمارات سانى ارتىپ كەلەدٸ. ەندٸ گازبەن قامتۋ 2021 جىلى تولىق اياقتالادى. ينجەنەرلٸك تۇرعىن ٷي قۇرىلىسىنا رەسٸمدەلگەن جەرلەر كٶپ, الايدا ولار ەلٸ سالىنىپ جاتىر», - دەدٸ قالالىق ەنەرگوتيٸمدٸلٸك پەن ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ.
ونىڭ ايتۋىنشا, قۇرىلىس جۇمىستارى جەتٸسۋ, الاتاۋ, مەدەۋ, تٷركسٸب, ناۋرىزباي اۋداندارىندا قىزىپ جاتىر.
وسى اۋداندارداعى كٶپتەگەن ٷيلەر كەزٸندە الماتى وبلىسىنا قاراستى بولعان.
«قازٸر «قازترانسگاز ايماق» جشس جاڭا جوبالاردى جٷزەگە اسىرىپ جاتىر. ەكٸ جىلدا بارلىق ٷيلەرگە ورتالىق گازبەن قامتۋ جٷيەسٸ تارتىلادى», - دەدٸ ول.
سونىمەن قاتار, الماتىلىقتارعا بيىلدان باستاپ گاز كٸرگٸزۋگە پايىزسىز نەسيە بەرٸلەدٸ. قۇجاتتار 10 تامىزدان باستاپ قابىلدانادى.
