Sýret: ashyq derekkóz
Almatyda osy jyldyń birinshi toqsanynda qalada ortasha eńbekaqy 16,4 paiyzǵa ósip, 454 myń teńge boldy.
Qala ekonomikasy basqarmasy málim etkendei, sáýir aiynda infliatsiia naýryz aiynda 9,7%-dan 9,1%-ǵa deiin baiaýlady. 2024 jyly jyldyq infliatsiia odan ary 7-8%-ǵa deiin baiaýlaidy dep boljanyp otyr.
«Qalada turaqty jumys oryndaryna basa nazar aýdara otyryp, jańa jumys oryndary qurylyp jatyr. Jyl basynan beri 19,5 myń adam jumysqa ornalasty. Jyl sońyna deiin 87 myń turǵyn eńbekpen qamtylady. Onyń 61%-y turaqty. Bul rette, qabyldanyp jatqan sharalardyń arqasynda jumyssyzdyq deńgeii – 2024 jyldyń birinshi toqsanynda 4,7%-ǵa deiin tómendeidi», - dep habarlady basqarmadan.
2024 jyldyń birinshi toqsanynda Almatyda ortasha jalaqy 454 myń teńge (respýblika boiynsha – 382 myń teńge) boldy. Nominaldy mánde jalaqy 16,4%-ǵa, naqty mánde 6%-ǵa ósti.
