سۋرەت: اشىق دەرەككٶز
الماتىدا وسى جىلدىڭ بٸرٸنشٸ توقسانىندا قالادا ورتاشا ەڭبەكاقى 16,4 پايىزعا ٶسٸپ, 454 مىڭ تەڭگە بولدى.
قالا ەكونوميكاسى باسقارماسى مەلٸم ەتكەندەي, سەۋٸر ايىندا ينفلياتسييا ناۋرىز ايىندا 9,7%-دان 9,1%-عا دەيٸن باياۋلادى. 2024 جىلى جىلدىق ينفلياتسييا ودان ارى 7-8%-عا دەيٸن باياۋلايدى دەپ بولجانىپ وتىر.
«قالادا تۇراقتى جۇمىس ورىندارىنا باسا نازار اۋدارا وتىرىپ, جاڭا جۇمىس ورىندارى قۇرىلىپ جاتىر. جىل باسىنان بەرٸ 19,5 مىڭ ادام جۇمىسقا ورنالاستى. جىل سوڭىنا دەيٸن 87 مىڭ تۇرعىن ەڭبەكپەن قامتىلادى. ونىڭ 61%-ى تۇراقتى. بۇل رەتتە, قابىلدانىپ جاتقان شارالاردىڭ ارقاسىندا جۇمىسسىزدىق دەڭگەيٸ – 2024 جىلدىڭ بٸرٸنشٸ توقسانىندا 4,7%-عا دەيٸن تٶمەندەيدٸ», - دەپ حابارلادى باسقارمادان.
2024 جىلدىڭ بٸرٸنشٸ توقسانىندا الماتىدا ورتاشا جالاقى 454 مىڭ تەڭگە (رەسپۋبليكا بويىنشا – 382 مىڭ تەڭگە) بولدى. نومينالدى مەندە جالاقى 16,4%-عا, ناقتى مەندە 6%-عا ٶستٸ.
