Almatyda qarashanyń besi kúni jaýyn jaýyp, arty qarǵa ulasady, dep habarlaidy "Ult aqparat".
Sinoptikterdiń boljamy boiynsha, Almatyda 4 qarashadan 5 qarashaǵa qaraǵan túni qar aralas jańbyr jaýyp, 6 qarashanyń birinshi jartysyna deiin úzilissiz jalǵasady. 5 qarashada aýa temperatýrasy shamamen 0 gradýs bolyp, kúndiz 5-ten 7-ge deiin jylynady. 5-6 qarashada túnde synap baǵanasy -1 deiin tómendeidi, al kúndiz 2-4 gradýs jyly bolady.
Almaty kóshelerinde kók taiǵaq bolýy yqtimal. Ásirese, ál-Farabi dańǵylynan joǵary aýmaqtaǵy joldarda kólik júrgizýshiler men jaiaý júrginshilerge saq bolý eskertildi.
«Trotýarlarda, ál-Farabi dańǵylynyń joǵary bóligindegi joldarda kóktaiǵaq bolýy múmkin. Sondyqtan júrgizýshiler kóligine qysqy dońǵalaǵyn salyp alǵany jón. Barlyq qaýipsizdik sharalaryn saqtaýdy suraimyz» delingen ákimdik habarlamasynda.
