الماتىدا قاراشانىڭ بەسٸ كٷنٸ جاۋىن جاۋىپ, ارتى قارعا ۇلاسادى, دەپ حابارلايدى "ۇلت اقپارات".
سينوپتيكتەردٸڭ بولجامى بويىنشا, الماتىدا 4 قاراشادان 5 قاراشاعا قاراعان تٷنٸ قار ارالاس جاڭبىر جاۋىپ, 6 قاراشانىڭ بٸرٸنشٸ جارتىسىنا دەيٸن ٷزٸلٸسسٸز جالعاسادى. 5 قاراشادا اۋا تەمپەراتۋراسى شامامەن 0 گرادۋس بولىپ, كٷندٸز 5-تەن 7-گە دەيٸن جىلىنادى. 5-6 قاراشادا تٷندە سىناپ باعاناسى -1 دەيٸن تٶمەندەيدٸ, ال كٷندٸز 2-4 گرادۋس جىلى بولادى.
الماتى كٶشەلەرٸندە كٶك تايعاق بولۋى ىقتيمال. ەسٸرەسە, ەل-فارابي داڭعىلىنان جوعارى اۋماقتاعى جولداردا كٶلٸك جٷرگٸزۋشٸلەر مەن جاياۋ جٷرگٸنشٸلەرگە ساق بولۋ ەسكەرتٸلدٸ.
«تروتۋارلاردا, ەل-فارابي داڭعىلىنىڭ جوعارى بٶلٸگٸندەگٸ جولداردا كٶكتايعاق بولۋى مٷمكٸن. سوندىقتان جٷرگٸزۋشٸلەر كٶلٸگٸنە قىسقى دوڭعالاعىن سالىپ العانى جٶن. بارلىق قاۋٸپسٸزدٸك شارالارىن ساقتاۋدى سۇرايمىز» دەلٸنگەن ەكٸمدٸك حابارلاماسىندا.
