2021 jyldyń 20 qyrkúieginde Almatynyń Aqbulaq shaǵynaýdanynda bes adamnyń ólimine qatysty is boiynsha basty sot protsesi jalǵasyp jatyr. Sotta sottalýshy otbasyn úiinen shyǵarýǵa kelgen bes adamdy qalai óltirgenin aityp berdi, - dep habarlaidy Tengrinews.kz tilshisi.
Dýjnovtyń aitýynsha, qaiǵyly oqiǵa bolǵan kúni onyń anasy aýyryp qalǵan. Sondyqtan olar úige jedel járdem shaqyrǵan. Osy sátti úidiń jańa qojaiyny, sot oryndaýshysy men politsiia qyzmetkerleri paidalanǵanyn atap ótti.
"Dárigerler kete bastaǵanda, satyp alýshy (úidiń jańa iesi), politsiia qyzmetkerleri, sot oryndaýshysy úige basa-kóktep kirip keldi. Satyp alýshy Turǵanov dárigerlerdi iterip jiberdi. Osy kezde bularǵa eshqandai zań jumys istemeitinin túsindim. Biz oǵanǵa deiin prokýrordy, qorǵanshylyq organdaryn shaqyryp, úiden shyǵarýshyǵa mán-jaidy túsindirgenbiz.
Men otbasymdy kóshege laqtyryp tastaitynyn túsindim. Zańsyz kóshirýdi toqtatýdyń birden-bir joly meniń úiimniń aýmaǵyna basyp kirgen jaýǵa baǵyttalǵan belsendi qarsylyq qoldaný boldy. Qoimada qarýym bar edi, soǵan 10 oq-dári salynǵan úlken jýrnaldy tiep, yńǵaily orynǵa bardym: "Báriń qabyrǵaǵa taqalyńdar!" dep buiryq berdim. Basqynshylyqqa qatysy joq adamdarǵa shetke shyǵýǵa múmkindik berdim", - dedi Dýjnov.
