2021 جىلدىڭ 20 قىركٷيەگٸندە الماتىنىڭ اقبۇلاق شاعىناۋدانىندا بەس ادامنىڭ ٶلٸمٸنە قاتىستى ٸس بويىنشا باستى سوت پروتسەسٸ جالعاسىپ جاتىر. سوتتا سوتتالۋشى وتباسىن ٷيٸنەن شىعارۋعا كەلگەن بەس ادامدى قالاي ٶلتٸرگەنٸن ايتىپ بەردٸ, - دەپ حابارلايدى Tengrinews.kz تٸلشٸسٸ.
دۋجنوۆتىڭ ايتۋىنشا, قايعىلى وقيعا بولعان كٷنٸ ونىڭ اناسى اۋىرىپ قالعان. سوندىقتان ولار ٷيگە جەدەل جەردەم شاقىرعان. وسى سەتتٸ ٷيدٸڭ جاڭا قوجايىنى, سوت ورىنداۋشىسى مەن پوليتسييا قىزمەتكەرلەرٸ پايدالانعانىن اتاپ ٶتتٸ.
"دەرٸگەرلەر كەتە باستاعاندا, ساتىپ الۋشى (ٷيدٸڭ جاڭا يەسٸ), پوليتسييا قىزمەتكەرلەرٸ, سوت ورىنداۋشىسى ٷيگە باسا-كٶكتەپ كٸرٸپ كەلدٸ. ساتىپ الۋشى تۇرعانوۆ دەرٸگەرلەردٸ يتەرٸپ جٸبەردٸ. وسى كەزدە بۇلارعا ەشقانداي زاڭ جۇمىس ٸستەمەيتٸنٸن تٷسٸندٸم. بٸز وعانعا دەيٸن پروكۋروردى, قورعانشىلىق ورگاندارىن شاقىرىپ, ٷيدەن شىعارۋشىعا مەن-جايدى تٷسٸندٸرگەنبٸز.
مەن وتباسىمدى كٶشەگە لاقتىرىپ تاستايتىنىن تٷسٸندٸم. زاڭسىز كٶشٸرۋدٸ توقتاتۋدىڭ بٸردەن-بٸر جولى مەنٸڭ ٷيٸمنٸڭ اۋماعىنا باسىپ كٸرگەن جاۋعا باعىتتالعان بەلسەندٸ قارسىلىق قولدانۋ بولدى. قويمادا قارۋىم بار ەدٸ, سوعان 10 وق-دەرٸ سالىنعان ٷلكەن جۋرنالدى تيەپ, ىڭعايلى ورىنعا باردىم: "بەرٸڭ قابىرعاعا تاقالىڭدار!" دەپ بۇيرىق بەردٸم. باسقىنشىلىققا قاتىسى جوق ادامدارعا شەتكە شىعۋعا مٷمكٸندٸك بەردٸم", - دەدٸ دۋجنوۆ.
