Ishki ister ministri Qalmuhanbet Qasymov Almatynyń Ál-Farabi dańǵylynda bolǵan "jaiaý júrginshiniń denesi bólshektelip qalǵan" atyshýly jol apatyna qatysty jaǵdaidy túsindirdi, dep habarlaidy "Ult aqparat".
Jantúrshigerlik jol apaty ótken jyly 30 shildede oryn alǵan. Mercedes kóligi jaiaý júrginshini qaǵyp óltiredi. Soqqynyń qatty bolǵany sonshalyq, er adamnyń denesi ekige bólinip qalǵan. Turǵyndy qaqqan júrgizýshi oqiǵa ornynan qashyp ketip, kóligin "Gornyi gigant" aýdanynda tastap ketedi. Keiin politseiler ony taýyp, ustaidy.
"30 shildede bul fakti tirkelip, qylmystyq kodekstiń 345-babynyń 3-bólimi jáne 347-baby (abaisyzda adam ólimine ákelgen jol qozǵalysy erejelerin buzý, jol-kólik apaty ornyn qaldyrý) boiynsha sotqa deiingi tergeý bastaldy. 2017 jyldyń 15 qarashasynda atalǵan qylmystyq is boiynsha qylmystyq-protsestik kodekstiń 37-babynyń 1-bólimi 2-tarmaqshasyna (qylmystyq quqyq buzýshylyqtyń bolmaýynan) sáikes isti toqtatý jóninde sheshim qabyldandy", — dep jazylǵan IIM basshysynyń dialog.egov.kz blogyndaǵy jaýabynda.
Budan bólek, Medeý aýdanynyń prokýratýrasy bul sheshimdi zańdy dep tanyǵany jazylǵan.
Qylmystyq-protsestik kodekstiń 291-babyna sáikes sotqa deiingi tergeýdi nemese qylmystyq qýdalaýdy qaita jandandyrý úshin ony toqtatý týraly sheshimniń kúshin prokýror nemese sot joiýy tiis.
