ٸشكٸ ٸستەر مينيسترٸ قالمۇحانبەت قاسىموۆ الماتىنىڭ ەل-فارابي داڭعىلىندا بولعان "جاياۋ جٷرگٸنشٸنٸڭ دەنەسٸ بٶلشەكتەلٸپ قالعان" اتىشۋلى جول اپاتىنا قاتىستى جاعدايدى تٷسٸندٸردٸ, دەپ حابارلايدى "ۇلت اقپارات".
جانتٷرشٸگەرلٸك جول اپاتى ٶتكەن جىلى 30 شٸلدەدە ورىن العان. Mercedes كٶلٸگٸ جاياۋ جٷرگٸنشٸنٸ قاعىپ ٶلتٸرەدٸ. سوققىنىڭ قاتتى بولعانى سونشالىق, ەر ادامنىڭ دەنەسٸ ەكٸگە بٶلٸنٸپ قالعان. تۇرعىندى قاققان جٷرگٸزۋشٸ وقيعا ورنىنان قاشىپ كەتٸپ, كٶلٸگٸن "گورنىي گيگانت" اۋدانىندا تاستاپ كەتەدٸ. كەيٸن پوليتسەيلەر ونى تاۋىپ, ۇستايدى.
"30 شٸلدەدە بۇل فاكتٸ تٸركەلٸپ, قىلمىستىق كودەكستٸڭ 345-بابىنىڭ 3-بٶلٸمٸ جەنە 347-بابى (ابايسىزدا ادام ٶلٸمٸنە ەكەلگەن جول قوزعالىسى ەرەجەلەرٸن بۇزۋ, جول-كٶلٸك اپاتى ورنىن قالدىرۋ) بويىنشا سوتقا دەيٸنگٸ تەرگەۋ باستالدى. 2017 جىلدىڭ 15 قاراشاسىندا اتالعان قىلمىستىق ٸس بويىنشا قىلمىستىق-پروتسەستٸك كودەكستٸڭ 37-بابىنىڭ 1-بٶلٸمٸ 2-تارماقشاسىنا (قىلمىستىق قۇقىق بۇزۋشىلىقتىڭ بولماۋىنان) سەيكەس ٸستٸ توقتاتۋ جٶنٸندە شەشٸم قابىلداندى", — دەپ جازىلعان ٸٸم باسشىسىنىڭ dialog.egov.kz بلوگىنداعى جاۋابىندا.
بۇدان بٶلەك, مەدەۋ اۋدانىنىڭ پروكۋراتۋراسى بۇل شەشٸمدٸ زاڭدى دەپ تانىعانى جازىلعان.
قىلمىستىق-پروتسەستٸك كودەكستٸڭ 291-بابىنا سەيكەس سوتقا دەيٸنگٸ تەرگەۋدٸ نەمەسە قىلمىستىق قۋدالاۋدى قايتا جانداندىرۋ ٷشٸن ونى توقتاتۋ تۋرالى شەشٸمنٸڭ كٷشٸن پروكۋرور نەمەسە سوت جويۋى تيٸس.
