Foto: videodan skrinshot
Almaty qalasynda memleket paidasyna tárkilenýi tiis múlikti zańsyz iemdený maqsatynda «Jyljymaityn múliktiń biryńǵai memlekettik kadastry» aqparattyq júiesine jalǵan málimetter engizgen adamdar tobyna qatysty sot úkimi shyqty, dep habarlaidy Ult.kz.
Qarjylyq monitoring agenttiginiń málimetinshe, atalǵan qylmystyq is buǵan deiin Kospaevtyń basshylyǵymen áreket etken uiymdasqan qylmystyq topqa qatysty júrgizilgen tergeýmen bailanysty. Bul top «AV-Construction», «Stekolnyi zavod», «Shalqar 17», «Bahar-A» jáne ózge de kásiporyndardy reiderlik jolmen basyp alý faktileri boiynsha áshkerelengen.
Sot sheshimine sáikes, tárkileý maqsatynda Almaty qalasyndaǵy «Nikolskii» bazary aýmaǵynda ornalasqan «Nikolsky Investment» JShS-ne tiesili jer telimi men múlkine tyiym salynǵan.
Alaida 2025 jyldyń qyrkúiek aiynda Aslan Pýhaev, Anton Soloviov jáne Jaqsylyq Sársenbaev «Azamattarǵa arnalǵan úkimet» memlekettik korporatsiiasynyń aqparattyq júiesine jalǵan málimetter engizý arqyly bul tyiymdy zańsyz alyp tastaǵan.
Osydan keiin jalpy quny 2,2 mlrd teńge bolatyn jer telimi men múlik jalǵan tulǵalardyń atyna qaita rásimdelip, satý áreketteri jasalǵan.
Sot kinálilerdi 6 jyl 6 ai merzimge bas bostandyǵynan aiyrý jazasyna kesti. Úkim zańdy kúshine endi, al múlik tolyqtai memleket menshigine qaitaryldy.
Qarjylyq monitoring agenttigi memlekettik aqparattyq júielerge zańsyz aralasý aýyr qylmys ekenin eskertip, mundai áreketter úshin jazanyń bultartpastyǵyn málimdedi.
