فوتو: ۆيدەودان سكرينشوت
الماتى قالاسىندا مەملەكەت پايداسىنا تەركٸلەنۋٸ تيٸس مٷلٸكتٸ زاڭسىز يەمدەنۋ ماقساتىندا «جىلجىمايتىن مٷلٸكتٸڭ بٸرىڭعاي مەملەكەتتٸك كاداسترى» اقپاراتتىق جٷيەسٸنە جالعان مەلٸمەتتەر ەنگٸزگەن ادامدار توبىنا قاتىستى سوت ٷكٸمٸ شىقتى, دەپ حابارلايدى Ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, اتالعان قىلمىستىق ٸس بۇعان دەيٸن كوسپاەۆتىڭ باسشىلىعىمەن ەرەكەت ەتكەن ۇيىمداسقان قىلمىستىق توپقا قاتىستى جٷرگٸزٸلگەن تەرگەۋمەن بايلانىستى. بۇل توپ «AV-Construction», «ستەكولنىي زاۆود», «شالقار 17», «باحار-ا» جەنە ٶزگە دە كەسٸپورىنداردى رەيدەرلٸك جولمەن باسىپ الۋ فاكتٸلەرٸ بويىنشا ەشكەرەلەنگەن.
سوت شەشٸمٸنە سەيكەس, تەركٸلەۋ ماقساتىندا الماتى قالاسىنداعى «نيكولسكيي» بازارى اۋماعىندا ورنالاسقان «Nikolsky Investment» جشس-نە تيەسٸلٸ جەر تەلٸمٸ مەن مٷلكٸنە تىيىم سالىنعان.
الايدا 2025 جىلدىڭ قىركٷيەك ايىندا اسلان پۋحاەۆ, انتون سولوۆيوۆ جەنە جاقسىلىق سەرسەنباەۆ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ اقپاراتتىق جٷيەسٸنە جالعان مەلٸمەتتەر ەنگٸزۋ ارقىلى بۇل تىيىمدى زاڭسىز الىپ تاستاعان.
وسىدان كەيٸن جالپى قۇنى 2,2 ملرد تەڭگە بولاتىن جەر تەلٸمٸ مەن مٷلٸك جالعان تۇلعالاردىڭ اتىنا قايتا رەسٸمدەلٸپ, ساتۋ ەرەكەتتەرٸ جاسالعان.
سوت كٸنەلٸلەردٸ 6 جىل 6 اي مەرزٸمگە باس بوستاندىعىنان ايىرۋ جازاسىنا كەستٸ. ٷكٸم زاڭدى كٷشٸنە ەندٸ, ال مٷلٸك تولىقتاي مەملەكەت مەنشٸگٸنە قايتارىلدى.
قارجىلىق مونيتورينگ اگەنتتٸگٸ مەملەكەتتٸك اقپاراتتىق جٷيەلەرگە زاڭسىز ارالاسۋ اۋىر قىلمىس ەكەنٸن ەسكەرتٸپ, مۇنداي ەرەكەتتەر ٷشٸن جازانىڭ بۇلتارتپاستىعىن مەلٸمدەدٸ.
