Almatydaǵy qonaqúide jándikterdi ýlaǵannan keiin aýrýhanaǵa túsken tórt bala Aqsý balalar ansambliniń múshesi bolyp shyqty. Pavlodar oblysy Bilim basqarmasy málimetinshe, komanda Almatyǵa 9 shildede ótken halyqaralyq bi baiqaýyna kelgen, - dep habarlaidy Massaget.kz.
"Aqsý qalasynyń "Kavkaz ansambli" Almatyǵa shyqqan. Komanda quramynda 8 ben 14 jas aralyǵyndaǵy 19 bala jáne 6 eresek adam boldy. 11 shildege qaraǵan túni olar turǵan qonaqúide himiialyq óńdeý jumystary júrgizilgen. Saldarynan 13, 12, 8 jáne 14 jastaǵy tórt bala zardap shekti", - dedi Pavlodar oblysynyń bilim basqarmasy ókilderi.
Vedomstvo málimetinshe, kámeletke tolmaǵan balalarǵa ortasha dárejedegi ýlaný diagnozy qoiylǵan.
"Qazir balalardyń jaǵdaiy qanaǵattanarlyq. Olar qajet em-dom alyp jatyr. Búgin taǵy tekseriledi, onyń qorytyndysy boiynsha úige shyǵarý týraly másele qaralady", - dedi vedomstvodaǵylar.
Sondai-aq, ansambldiń 8 múshesi men 6 eresek adam úilerine qaitqany habarlandy. Qalǵan 11 bala, sondai-aq, ýlanǵan balalardyń ata-anasy basqa qonaqúige ornalastyrylǵan.
"Ansambl jetekshisi jáne zardap shekkenderdiń ata-anasymen turaqty bailanys ornatylyp, balalardy Pavlodarǵa qaitarý máselesi sheshilip jatyr", - dedi vedomstvo ókilderi.
Eske salaiyq, buǵan deiin Almatydaǵy qonaqúide jándikterdi ýlaǵannan keiin tórt bala aýrýhanaǵa túskeni habarlanǵan bolatyn.
