الماتىداعى قوناقٷيدە جەندٸكتەردٸ ۋلاعاننان كەيٸن اۋرۋحاناعا تٷسكەن تٶرت بالا اقسۋ بالالار انسامبلٸنٸڭ مٷشەسٸ بولىپ شىقتى. پاۆلودار وبلىسى بٸلٸم باسقارماسى مەلٸمەتٸنشە, كوماندا الماتىعا 9 شٸلدەدە ٶتكەن حالىقارالىق بي بايقاۋىنا كەلگەن, - دەپ حابارلايدى Massaget.kz.
"اقسۋ قالاسىنىڭ "كاۆكاز انسامبلٸ" الماتىعا شىققان. كوماندا قۇرامىندا 8 بەن 14 جاس ارالىعىنداعى 19 بالا جەنە 6 ەرەسەك ادام بولدى. 11 شٸلدەگە قاراعان تٷنٸ ولار تۇرعان قوناقٷيدە حيمييالىق ٶڭدەۋ جۇمىستارى جٷرگٸزٸلگەن. سالدارىنان 13, 12, 8 جەنە 14 جاستاعى تٶرت بالا زارداپ شەكتٸ", - دەدٸ پاۆلودار وبلىسىنىڭ بٸلٸم باسقارماسى ٶكٸلدەرٸ.
ۆەدومستۆو مەلٸمەتٸنشە, كەمەلەتكە تولماعان بالالارعا ورتاشا دەرەجەدەگٸ ۋلانۋ دياگنوزى قويىلعان.
"قازٸر بالالاردىڭ جاعدايى قاناعاتتانارلىق. ولار قاجەت ەم-دوم الىپ جاتىر. بٷگٸن تاعى تەكسەرٸلەدٸ, ونىڭ قورىتىندىسى بويىنشا ٷيگە شىعارۋ تۋرالى مەسەلە قارالادى", - دەدٸ ۆەدومستۆوداعىلار.
سونداي-اق, انسامبلدٸڭ 8 مٷشەسٸ مەن 6 ەرەسەك ادام ٷيلەرٸنە قايتقانى حابارلاندى. قالعان 11 بالا, سونداي-اق, ۋلانعان بالالاردىڭ اتا-اناسى باسقا قوناقٷيگە ورنالاستىرىلعان.
"انسامبل جەتەكشٸسٸ جەنە زارداپ شەككەندەردٸڭ اتا-اناسىمەن تۇراقتى بايلانىس ورناتىلىپ, بالالاردى پاۆلودارعا قايتارۋ مەسەلەسٸ شەشٸلٸپ جاتىر", - دەدٸ ۆەدومستۆو ٶكٸلدەرٸ.
ەسكە سالايىق, بۇعان دەيٸن الماتىداعى قوناقٷيدە جەندٸكتەردٸ ۋلاعاننان كەيٸن تٶرت بالا اۋرۋحاناعا تٷسكەنٸ حابارلانعان بولاتىن.
