Almatydaǵy otqa oranǵan avtoserviste 9 kólik órtenip, taǵy 3 kólikke nuqsan keldi, dep habarlaidy "Ult aqparat".
Tilsiz jaý búgin M. Áýezov aýdanyndaǵy Aqsai 1 shaǵyn aýdanyndaǵy tehnikalyq qyzmet kórsetý ortalyǵynda tutanǵan edi. Órttiń saldarynan nysanda qatty jarylys boldy.
Angar tiptes ǵimarattyń ishinen árqaisysy eki 25 litrlik gaz ballony shyǵaryldy.
«Angarda 9 kólik turǵan. Barlyǵy órtenip ketti. Jalynnan taǵy 3 kólikke zaqym keldi», - dedi TJD ókili.
Gaz tútinnen qorǵaý qyzmetiniń mamandary joǵary temperatýraǵa qaramastan órtti sóndirý úshin ishke kirgen bolatyn. Oqiǵa ornynda órtti sóndirýge 60 adam, 13 tehnika jumyldyryldy. Sonyń arqasynda qyzyl jalyn 55 minýtta aýyzdyqtaldy. Oqys oqiǵadan eshkim zardap shekpedi.
