الماتىداعى وتقا ورانعان اۆتوسەرۆيستە 9 كٶلٸك ٶرتەنٸپ, تاعى 3 كٶلٸككە نۇقسان كەلدٸ, دەپ حابارلايدى "ۇلت اقپارات".
تٸلسٸز جاۋ بٷگٸن م. ەۋەزوۆ اۋدانىنداعى اقساي 1 شاعىن اۋدانىنداعى تەحنيكالىق قىزمەت كٶرسەتۋ ورتالىعىندا تۇتانعان ەدٸ. ٶرتتٸڭ سالدارىنان نىساندا قاتتى جارىلىس بولدى.
انگار تيپتەس عيماراتتىڭ ٸشٸنەن ەرقايسىسى ەكٸ 25 ليترلٸك گاز باللونى شىعارىلدى.
«انگاردا 9 كٶلٸك تۇرعان. بارلىعى ٶرتەنٸپ كەتتٸ. جالىننان تاعى 3 كٶلٸككە زاقىم كەلدٸ», - دەدٸ تجد ٶكٸلٸ.
گاز تٷتٸننەن قورعاۋ قىزمەتٸنٸڭ ماماندارى جوعارى تەمپەراتۋراعا قاراماستان ٶرتتٸ سٶندٸرۋ ٷشٸن ٸشكە كٸرگەن بولاتىن. وقيعا ورنىندا ٶرتتٸ سٶندٸرۋگە 60 ادام, 13 تەحنيكا جۇمىلدىرىلدى. سونىڭ ارقاسىندا قىزىل جالىن 55 مينۋتتا اۋىزدىقتالدى. وقىس وقيعادان ەشكٸم زارداپ شەكپەدٸ.
