Almatyda elektr energiia baǵasy qymbattamaidy. Bul týraly qalalyq Energotiimdilik pen infraqurylymdyq damý basqarmasynyń basshysy Áset Masabaev onlain brifing barysynda aitty, dep habarlaidy QazAqparat.
«Jyl sońyna deiin elektr qýatynyń tarifteri óspeidi», – dep sendirdi Áset Masabaev.
Sonymen qatar, ol tótenshe jaǵdailardyń aldyn alý úshin, qalada jylytý maýsymyna daiyndyq jumystarynyń júrip jatqanyn atap ótti.
«Úsh jyl ishinde 1986 jyldan beri jóndelmegen Tóle bi kóshesiniń jylý magistraliniń úlken bólikteri aýystyryldy. Bul jumys mamyr aiynda bastaldy. Biz barlyq jabdyqtardy, qubyrlar men jylý jelilerin tekserdik. 200-den astam zaqymdalǵan jerler anyqtaldy. Olardyń 80% jóndeldi. Qalǵanyn qyrkúiekke deiin aiaqtaýdy josparlap otyrmyz»,– dedi Almaty qalalyq Energotiimdilik pen infraqurylymdyq damý basqarmasynyń basshysy Áset Masabaev.n.
