الماتىدا ەلەكتر ەنەرگييا باعاسى قىمباتتامايدى. بۇل تۋرالى قالالىق ەنەرگوتيٸمدٸلٸك پەن ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ ونلاين بريفينگ بارىسىندا ايتتى, دەپ حابارلايدى قازاقپارات.
«جىل سوڭىنا دەيٸن ەلەكتر قۋاتىنىڭ تاريفتەرٸ ٶسپەيدٸ», – دەپ سەندٸردٸ ەسەت ماساباەۆ.
سونىمەن قاتار, ول تٶتەنشە جاعدايلاردىڭ الدىن الۋ ٷشٸن, قالادا جىلىتۋ ماۋسىمىنا دايىندىق جۇمىستارىنىڭ جٷرٸپ جاتقانىن اتاپ ٶتتٸ.
«ٷش جىل ٸشٸندە 1986 جىلدان بەرٸ جٶندەلمەگەن تٶلە بي كٶشەسٸنٸڭ جىلۋ ماگيسترالٸنٸڭ ٷلكەن بٶلٸكتەرٸ اۋىستىرىلدى. بۇل جۇمىس مامىر ايىندا باستالدى. بٸز بارلىق جابدىقتاردى, قۇبىرلار مەن جىلۋ جەلٸلەرٸن تەكسەردٸك. 200-دەن استام زاقىمدالعان جەرلەر انىقتالدى. ولاردىڭ 80% جٶندەلدٸ. قالعانىن قىركٷيەككە دەيٸن اياقتاۋدى جوسپارلاپ وتىرمىز»,– دەدٸ الماتى قالالىق ەنەرگوتيٸمدٸلٸك پەن ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ.ن.
