Almatyda keler jyldan bastap memlekettik tapsyryspen jumys isteitin jekemenshik balabaqshalarǵa baratyn balalardyń tamaǵy tegin bolýy múmkin. Bul týraly búgin onlain brifing barysynda qalalyq Bilim basqarmasy basshysynyń orynbasary Aisulý Botaeva aitty, dep habarlaidy "Ult aqparat".
«Bul sheshim memlekettik jáne jekemenshik baqshalarda tólenetin qarajatty teńestirý, memlekettik tapsyryspen jumys isteitin baqshalarǵa kezekti azaitý maqsatynda jasalyp otyr. Osyǵan bailanysty qalalyq ákimdik QR BǴM memlekettik tapsyryspen jumys isteitin balabaqshalarda tamaqqa tólenetin qarajatty jergilikti biýdjetten sýbsidiialaý týraly usynys berdi», - dedi Aisulý Botaeva.
Atalǵan usynys nátijesinde ministrlikte jekemenshik balabaqshalardyń qyzmetine ózgerister engizildi.
Atap aitqanda, jergilikti biýdjet esebinen balalardyń tamaǵyna tólenetin qarajattyń keibir bóligin sýbsidiialaý týraly sheshim qabyldandy.
Onyń aitýynsha, qazir baqshalardy irikteý talaptaryna qatysty talqylaý júrip jatyr.
«Meniń oiymsha, 2021 jyldan bastap memlekettik tapsyryspen jumys isteitin baqshalarda tamaqqa tólenetin qarajatqa sýbsidiia jasalady», - dedi A.Botaeva.
Onyń aitýynsha, qazir balabaqshalarda bir balanyń tamaǵyna bólinetin qarajat 18900 teńge bolyp bekitilgen.
2020 jyldyń qorytyndysyna sáikes bir balaǵa memlekettik tapsyrys aiasynda 28 350 teńge tólenedi.
