الماتىدا كەلەر جىلدان باستاپ مەملەكەتتٸك تاپسىرىسپەن جۇمىس ٸستەيتٸن جەكەمەنشٸك بالاباقشالارعا باراتىن بالالاردىڭ تاماعى تەگٸن بولۋى مٷمكٸن. بۇل تۋرالى بٷگٸن ونلاين بريفينگ بارىسىندا قالالىق بٸلٸم باسقارماسى باسشىسىنىڭ ورىنباسارى ايسۇلۋ بوتاەۆا ايتتى, دەپ حابارلايدى "ۇلت اقپارات".
«بۇل شەشٸم مەملەكەتتٸك جەنە جەكەمەنشٸك باقشالاردا تٶلەنەتٸن قاراجاتتى تەڭەستٸرۋ, مەملەكەتتٸك تاپسىرىسپەن جۇمىس ٸستەيتٸن باقشالارعا كەزەكتٸ ازايتۋ ماقساتىندا جاسالىپ وتىر. وسىعان بايلانىستى قالالىق ەكٸمدٸك قر بعم مەملەكەتتٸك تاپسىرىسپەن جۇمىس ٸستەيتٸن بالاباقشالاردا تاماققا تٶلەنەتٸن قاراجاتتى جەرگٸلٸكتٸ بيۋدجەتتەن سۋبسيدييالاۋ تۋرالى ۇسىنىس بەردٸ», - دەدٸ ايسۇلۋ بوتاەۆا.
اتالعان ۇسىنىس نەتيجەسٸندە مينيسترلٸكتە جەكەمەنشٸك بالاباقشالاردىڭ قىزمەتٸنە ٶزگەرٸستەر ەنگٸزٸلدٸ.
اتاپ ايتقاندا, جەرگٸلٸكتٸ بيۋدجەت ەسەبٸنەن بالالاردىڭ تاماعىنا تٶلەنەتٸن قاراجاتتىڭ كەيبٸر بٶلٸگٸن سۋبسيدييالاۋ تۋرالى شەشٸم قابىلداندى.
ونىڭ ايتۋىنشا, قازٸر باقشالاردى ٸرٸكتەۋ تالاپتارىنا قاتىستى تالقىلاۋ جٷرٸپ جاتىر.
«مەنٸڭ ويىمشا, 2021 جىلدان باستاپ مەملەكەتتٸك تاپسىرىسپەن جۇمىس ٸستەيتٸن باقشالاردا تاماققا تٶلەنەتٸن قاراجاتقا سۋبسيدييا جاسالادى», - دەدٸ ا.بوتاەۆا.
ونىڭ ايتۋىنشا, قازٸر بالاباقشالاردا بٸر بالانىڭ تاماعىنا بٶلٸنەتٸن قاراجات 18900 تەڭگە بولىپ بەكٸتٸلگەن.
2020 جىلدىڭ قورىتىندىسىنا سەيكەس بٸر بالاعا مەملەكەتتٸك تاپسىرىس اياسىندا 28 350 تەڭگە تٶلەنەدٸ.
