Almatyda tolassyz jaýǵan nóser Bekenbai ózeniniń jaiaý júrginshiler kópirin shaiyp ketti, dep habarlaidy QazAqparat tilshisi.
Tolassyz jaýǵan jańbyr saldarynan Bekenbai ózeniniń arnasyndaǵy úsh ýchaskeni (Gornaia kóshesindegi №29 marshrýttyń sońǵy aialdamasy) gabiondyq qurylymdy, kópirler men qorshaýlardy sý shaiyp ketti.
Atalmysh kópirdiń qaýipti ýchaskeler tizimine ótken jyly kirgeni anyqtaldy. «2016 jyly aýdandyq ákimdik qurylymǵa jóndeý jumystaryn júrgizgen bolatyn. Jóndeý jumystary barysynda kópirdiń shógip jatqandyǵy baiqaldy. Osyǵan orai, 2017 jyly aǵymdaǵy jóndeý jumystaryn júrgizý úshin aldaǵy jylǵa biýdjetten qarjylandyrýǵa ótinim bildirdik. Biyl 119 677 myń teńge bólindi. 2017 jyly atalǵan ýchaskedegi gabiondyq qurylymdy, kópirlerdi, qorshaýlar men granitti taqtany qalpyna keltirý boiynsha aǵymdyq jóndeý jumystary júrgiziledi», - dep habarlady Almaty qalasy Medeý aýdandyq ákimdigi.
Qazir konkýrs ótýde, onyń nátijesi 20 mamyrdan keiin belgili bolady. Tenderdi utqan kompaniia jóndeýdi maýsym aiynda bastaidy.
