الماتىدا تولاسسىز جاۋعان نٶسەر بەكەنباي ٶزەنٸنٸڭ جاياۋ جٷرگٸنشٸلەر كٶپٸرٸن شايىپ كەتتٸ, دەپ حابارلايدى قازاقپارات تٸلشٸسٸ.
تولاسسىز جاۋعان جاڭبىر سالدارىنان بەكەنباي ٶزەنٸنٸڭ ارناسىنداعى ٷش ۋچاسكەنٸ (گورنايا كٶشەسٸندەگٸ №29 مارشرۋتتىڭ سوڭعى ايالداماسى) گابيوندىق قۇرىلىمدى, كٶپٸرلەر مەن قورشاۋلاردى سۋ شايىپ كەتتٸ.
اتالمىش كٶپٸردٸڭ قاۋٸپتٸ ۋچاسكەلەر تٸزٸمٸنە ٶتكەن جىلى كٸرگەنٸ انىقتالدى. «2016 جىلى اۋداندىق ەكٸمدٸك قۇرىلىمعا جٶندەۋ جۇمىستارىن جٷرگٸزگەن بولاتىن. جٶندەۋ جۇمىستارى بارىسىندا كٶپٸردٸڭ شٶگٸپ جاتقاندىعى بايقالدى. وسىعان وراي, 2017 جىلى اعىمداعى جٶندەۋ جۇمىستارىن جٷرگٸزۋ ٷشٸن الداعى جىلعا بيۋدجەتتەن قارجىلاندىرۋعا ٶتٸنٸم بٸلدٸردٸك. بيىل 119 677 مىڭ تەڭگە بٶلٸندٸ. 2017 جىلى اتالعان ۋچاسكەدەگٸ گابيوندىق قۇرىلىمدى, كٶپٸرلەردٸ, قورشاۋلار مەن گرانيتتٸ تاقتانى قالپىنا كەلتٸرۋ بويىنشا اعىمدىق جٶندەۋ جۇمىستارى جٷرگٸزٸلەدٸ», - دەپ حابارلادى الماتى قالاسى مەدەۋ اۋداندىق ەكٸمدٸگٸ.
قازٸر كونكۋرس ٶتۋدە, ونىڭ نەتيجەسٸ 20 مامىردان كەيٸن بەلگٸلٸ بولادى. تەندەردٸ ۇتقان كومپانييا جٶندەۋدٸ ماۋسىم ايىندا باستايدى.
