Almatyda jattyǵý kezinde jasóspirim bala kóz jumdy, dep habarlaidy "Ult aqparat".
Qaiǵyly oqiǵa týraly psihiatr, dáriger Jibek Joldasova Facebook-tegi paraqshasynda jazdy.
«Meniń balam men joldastary keshe sumdyq oqiǵanyń kýási boldy. Olardyń kóz aldarynda jasóspirim qurdastary qaitys bolyp ketti. Jattyǵý kezinde bolǵan. Balamnyń aitýynsha, ol kúni asa kóp jattyǵý bolmaǵan. Jas bala júrek tusyn ustaǵan kúiinshe qulap túsken. Eki jedel járdem brigadasy kelip, ómirin arashalap qala almady», - delingen jazbada.
Onyń aitýynsha, jattyǵýǵa shamamen 13-15 jastaǵy balalar qatysqan.
Olardyń barlyǵynan densaýlyǵyna qatysty anyqtama alynǵan.
«Barlyq baladan anyqtama alyndy. Biz júrek ÝZD qorytyndysyn da tapsyrdyq. Aiaq astynan bolǵan ólim - ata ana úshin orny tolmas qaiǵy. Keshe ǵana júgirip júrgen bala edi», - dedi ol.
Qalalyq Qoǵamdyq densaýlyqty saqtaý basqarmasynyń habarlaýynsha, bala jedel járdem jetkenshe jan tásilim etken.
