الماتىدا جاتتىعۋ كەزٸندە جاسٶسپٸرٸم بالا كٶز جۇمدى, دەپ حابارلايدى "ۇلت اقپارات".
قايعىلى وقيعا تۋرالى پسيحياتر, دەرٸگەر جٸبەك جولداسوۆا Facebook-تەگٸ پاراقشاسىندا جازدى.
«مەنٸڭ بالام مەن جولداستارى كەشە سۇمدىق وقيعانىڭ كۋەسٸ بولدى. ولاردىڭ كٶز الدارىندا جاسٶسپٸرٸم قۇرداستارى قايتىس بولىپ كەتتٸ. جاتتىعۋ كەزٸندە بولعان. بالامنىڭ ايتۋىنشا, ول كٷنٸ اسا كٶپ جاتتىعۋ بولماعان. جاس بالا جٷرەك تۇسىن ۇستاعان كٷيٸنشە قۇلاپ تٷسكەن. ەكٸ جەدەل جەردەم بريگاداسى كەلٸپ, ٶمٸرٸن اراشالاپ قالا المادى», - دەلٸنگەن جازبادا.
ونىڭ ايتۋىنشا, جاتتىعۋعا شامامەن 13-15 جاستاعى بالالار قاتىسقان.
ولاردىڭ بارلىعىنان دەنساۋلىعىنا قاتىستى انىقتاما الىنعان.
«بارلىق بالادان انىقتاما الىندى. بٸز جٷرەك ۋزد قورىتىندىسىن دا تاپسىردىق. اياق استىنان بولعان ٶلٸم - اتا انا ٷشٸن ورنى تولماس قايعى. كەشە عانا جٷگٸرٸپ جٷرگەن بالا ەدٸ», - دەدٸ ول.
قالالىق قوعامدىق دەنساۋلىقتى ساقتاۋ باسقارماسىنىڭ حابارلاۋىنشا, بالا جەدەل جەردەم جەتكەنشە جان تەسٸلٸم ەتكەن.
