Almatylyq politseiler qaraqshylyq qylmystyń izin sýytpai ashty, dep habarlaidy "Ult aqparat".
Almaty qalalyq Politsiia departamentiniń málimetishe, 26 aqpan kúni tańǵy saǵat 04: 00-de Jetisý aýdanynda ornalasqan janarmai beketine betperde kigen eki adam qaraqshylyq shabýyl jasady. Olar kassir-operatordy tapanshamen qorqytyp, aqshany alyp ketken.
«Jedel-izdestirý sharalary barysynda 20 men 24 jas aralyǵyndaǵy úsh er adam anyqtaldy. Barlyǵy Túrkistan oblysynyń týmasy. Kúdiktiler qamaýǵa alyndy. Atalǵan fakt QR QK-niń 192 baby, 2 bóligi boiynsha tirkelip, sotqa deiingi tergeý bastaldy. Olar 5 jyldan 10 jylǵa deiin bas bostandyǵynan aiyrylýy múmkin», - deidi Jetisý aýdandyq politsiia basqarmasy bastyǵynyń mindetin ýaqytsha atqarýshy Ashat Dáýletiiarov.
Aita keteiik, olar kassadan 135 myń teńge alyp ketken.
