Qazaqstan densaýlyq saqtaý ministrligi 10 sáýir 20.15-tegi deregine sai, Almaty qalasynda koronavirýs juqtyrǵan 1963 jylǵy naýqas qaitys boldy.
Ministrlik elde taǵy alty adamnan (Atyraý oblysynda ekeý, Almaty qalasy, Pavlodar oblysy, Qyzylorda oblysy, Túrkistan oblysynda bir-bir adamnan) koronavirýs tabylǵanyn habarlady.
Elde qazir 808 adamnan virýs anyqtaldy. 10 adam qaitys boldy. 64 adam dertten aiyqty.
Densaýlyq saqtaý ministrliginiń málimetinshe, elde 29 naýryz – 9 sáýir aralyǵynda elde koronavirýstyń taraýy 29 paiyzdan 7 paiyzǵa deiin azaiǵan. Qazir aýrýhanada jatqandardyń arasynda 18 adamnyń hali aýyr. Ministrliktiń esebinshe, virýs juqtyrǵandarmen bailanysta bolǵan 21 myńdai adam anyqtalyp, olardyń 99 paiyzy oqshaýlanǵan.
Qazaqstan prezidenti Qasym-Jomart Toqaev koronavirýsqa bailanysty elde jariialaǵan tótenshe jaǵdai ýaqytyn 30 sáýirge deiin sozdy.
