QR Ulttyq qaýipsizdik komiteti áskeri boryshyn atqarý kezinde qaiǵyly jaǵdaida qaza bolǵan QR UQK Aviatsiia qyzmeti áskeri qyzmetshilerdiń aty-jónderin jariialady, dep habarlaidy "Ult aqparat".
«Qazaqstan Respýblikasy Ulttyq qaýipsizdik komiteti áskeri boryshyn atqarý kezinde qaiǵyly jaǵdaida qaza bolǵan QR UQK Aviatsiia qyzmeti áskeri qyzmetshileri:
Aviatsiia bóliminiń shtýrmany, 1984 jyly 19 qazanda týǵan maior Ǵabit Esimdeuly Barlyqbaev:
Aviatsiia bóliminiń ushý tobynyń bort tehnigi, 1985 jyly 15 jeltoqsanda týǵan kapitan Dosjan Ǵalymbekuly Baimuratov;
Aviatsiia bóliminiń ushý toby ekipajynyń shtýrmany, 1994 jyly 24 qarashada týǵan aǵa leitenant Muhtar Qajymuqanuly Saǵymbaevtyń;
Aviatsiia bóliminiń ushý tobynyń aǵa bort mehanigi, 1985 jyly 10 qarashada týǵan serjant Vasilkov Evgenii Borisovichtiń otbasylaryna, týǵan-týystary men jaqyndaryna qaiǵylaryna ortaqtasyp, kóńil aitady», delingen habarlamada.
Komitettiń málimetinshe, AN-26 áskeri-kólik ushaǵynyń ekipajy tájiribeli ári kásibi daiyndalǵan mamandar bolǵan.
«Olar ómiriniń sońyna deiin áskeri antqa adal boldy. Sarbazdardyń jarqyn beinesi Qazaqstan Respýblikasy Ulttyq qaýipsizdik organdary qyzmetkerleriniń jadynda máńgi saqtalady. Biz aýyr jáne orny tolmas qazanyń qaiǵysyn birge bólisemiz», delingen habarlamada.
Eske sala ketsek, 13 naýryzda Nur-Sultan-Almaty» baǵytynda saǵat 17:20-da ushyp shyqqan UQK áýe qyzmetiniń AN-26 ushaǵy Almatyǵa qonar kezde apatqa ushyrady.
Almaty áýejaiy mańyndaǵy ushaq apatynan 4 adam qaza tapqanyn TJM rastady. Al zardap shekken 2 adam Almaty qalasyndaǵy №4 qalalyq klinikalyq aýrýhanaǵa jetkizildi. Dárigerlerdiń aitýynsha, jansaqtaý bóliminde jatqan eki áskeridiń jaǵdaiy óte aýyr.
Qazaqstannyń Tuńǵysh Prezidenti Nursultan Nazarbaev ushaq apatynan qaza tapqandardyń jaqyndaryna kóńil aitty.
Al, Memleket basshysynyń tapsyrmasy boiynsha áýe apatynyń sebepterin anyqtaý jumystary bastaldy.
