Almatyda tólem terminaldaryn tonaǵan qylmystyq top qolǵa tústi, dep habarlaidy "Ult aqparat".
Almaty politsiiasy megapolistegi aýdandarynyń birinde arnaiy operatsiia júrgizdi. Nátijesinde iri dúkenderdiń kireberisinde ornatylǵan tólem terminaldaryn buzyp, sol jerden aqsha urlaǵan eki er adam ustaldy.
«Qylmyskelerdiń izine túsý úshin aldymen keshendi izdestirý sharalary uiymdastyryldy. Kúdiktiler - 31 jastaǵy N. jáne 32 jastaǵy Sh. esimdi azamattar. Ekeýi de buryn múliktik qylmysy úshin sottalǵan. Tergeý barysynda olardyń terminaldardy buzý jáne sol jerden aqsha urlaýdyń toǵyz epizodyna qatysy bar ekendigi dáleldendi. Qazirgi ýaqytta QR QK 188-baby boiynsha sotqa deiingi tergeý júrip jatyr. Ustalǵandar ýaqytsha ustaý izoliatoryna qamaldy. Tergeý jalǵasyp jatyr», - dedi Almaty qalalyq PD basshysynyń orynbasary Berik Ábilbekov.
Spikerdiń aitýynsha, kúdiktiler adamdar kóptep baratyn dúkender men saýda úilerge ornatylǵan terminaldardy tonaǵan. Satýshylar klientterge qyzmet kórsetýmen ainalysyp jatqanda, urylar birneshe minýt ishinde tólem terminaldaryndaǵy aqshany úptep ketetin bolǵan.
