الماتىدا تٶلەم تەرمينالدارىن توناعان قىلمىستىق توپ قولعا تٷستٸ, دەپ حابارلايدى "ۇلت اقپارات".
الماتى پوليتسيياسى مەگاپوليستەگٸ اۋداندارىنىڭ بٸرٸندە ارنايى وپەراتسييا جٷرگٸزدٸ. نەتيجەسٸندە ٸرٸ دٷكەندەردٸڭ كٸرەبەرٸسٸندە ورناتىلعان تٶلەم تەرمينالدارىن بۇزىپ, سول جەردەن اقشا ۇرلاعان ەكٸ ەر ادام ۇستالدى.
«قىلمىسكەلەردٸڭ ٸزٸنە تٷسۋ ٷشٸن الدىمەن كەشەندٸ ٸزدەستٸرۋ شارالارى ۇيىمداستىرىلدى. كٷدٸكتٸلەر - 31 جاستاعى ن. جەنە 32 جاستاعى ش. ەسٸمدٸ ازاماتتار. ەكەۋٸ دە بۇرىن مٷلٸكتٸك قىلمىسى ٷشٸن سوتتالعان. تەرگەۋ بارىسىندا ولاردىڭ تەرمينالداردى بۇزۋ جەنە سول جەردەن اقشا ۇرلاۋدىڭ توعىز ەپيزودىنا قاتىسى بار ەكەندٸگٸ دەلەلدەندٸ. قازٸرگٸ ۋاقىتتا قر قك 188-بابى بويىنشا سوتقا دەيٸنگٸ تەرگەۋ جٷرٸپ جاتىر. ۇستالعاندار ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر», - دەدٸ الماتى قالالىق پد باسشىسىنىڭ ورىنباسارى بەرٸك ەبٸلبەكوۆ.
سپيكەردٸڭ ايتۋىنشا, كٷدٸكتٸلەر ادامدار كٶپتەپ باراتىن دٷكەندەر مەن ساۋدا ٷيلەرگە ورناتىلعان تەرمينالداردى توناعان. ساتۋشىلار كليەنتتەرگە قىزمەت كٶرسەتۋمەن اينالىسىپ جاتقاندا, ۇرىلار بٸرنەشە مينۋت ٸشٸندە تٶلەم تەرمينالدارىنداعى اقشانى ٷپتەپ كەتەتٸن بولعان.
