Almatynyń atyshýly Alǵabas yqshamaýdanynda taǵy bir úi qisaia bastapty. Osylai dep búgin shý kótergen bir top turǵyn, qurylys kompaniiasyna aldanǵanyna qapaly. Byltyr ǵana berilgen 6 qabatty úidiń qazir qabyrlary da jarylyp, tóbeden sý sorǵalaǵan tur. Jurt tipti, úidiń tyiym salynǵan jerge turǵyzylǵanyn da endi estipti. Sonyń kesirinen, munda gazdy da tartqyza almai otyr eken, dep habarlaidy KTK arnasy.
Bul tek tómengi qabattaǵy páterlerdiń jaǵdaiy. Sý aqqan tóbe qulaý aldynda tursa, qabyrǵalar ylǵaldan kógerip ketken. Kei jerleri qaqyrai bastapty. Biraq, munyń ózi túk emes deidi turǵyndar. Sebebi, jýyrda jurt onsyz da kem-ketigi bastan asatyn úidiń bir jaqqa qisaiǵanyn baiqaǵan.
Úidiń eńkeigeni jertóleden anyq baiqalatyn deidi turǵyndar. Biraq, tilshiler keledi degendi estigen qurylysshylar kúni keshe ony tegistep ketipti.
Al, jurt páterdi jyldap júrip jinaǵan qarjysyna satyp alǵan. Kóbiniń munda kóship kelgenine 1 jyl da bolmapty. Dese de, az ýaqyttyń ishinde kórmegenderi joq.
«Qar jaýǵanda myna kólik turaǵynyń shatyry opyrylyp tústi. Al, sonyń astynda balalar qalsa ne bolatyn edi?! Munda oiyn alańy da joq. Balalarymyz osy úidiń ainalasynda júredi», - deidi Almaty turǵyny Samal Isina.
Úidiń qujattarynda da shikilik kóp. 3 jyl buryn paidalanýǵa berilse de, áli memlekettik akti joq. Al, qalanyń ortalyǵynda kógildir otynsyz ómir súrip jatqan jurt munyń da sebebin endi bilip otyr. Sebebi, nysan tyiym salynǵan aýmaqqa salynǵan.
«Qyzyl syzyqta» turmaý kerek negizinde. Ákimdik qaida qarap otyr?», - dep ashyndy taǵy bir turǵyn Janbota Sádet.
Turǵyndar muńyn aityp ákimdikke talai barǵan. Biraq, ondaǵylar bul úiden eshqandai qaýip kórmepti. Úidi salǵan kurylys kompaniiasynyń da jaýaby osyǵan saiady.
«Bizdiń soqqan úi qisaiǵan joq. Saraptamanyń qortyndysy joq. Úige 3 jyldai boldy. 3 jyldyń ishinde otyrýy kerek», - dep túsindirdi «Stroi Modýl Servis» kompaniiasynyń zańgeri Rústem Bóltirikov.
Al, turǵyndar úidiń qaýipsiz ekenine sheneýnikter kepildik berse deidi. Sebebi, olar kúnderdiń kúninde Shahandaǵy jurttyń kúiin keshemiz be dep qorqyp otyr.
