الماتىنىڭ اتىشۋلى العاباس ىقشاماۋدانىندا تاعى بٸر ٷي قيسايا باستاپتى. وسىلاي دەپ بٷگٸن شۋ كٶتەرگەن بٸر توپ تۇرعىن, قۇرىلىس كومپانيياسىنا الدانعانىنا قاپالى. بىلتىر عانا بەرٸلگەن 6 قاباتتى ٷيدٸڭ قازٸر قابىرلارى دا جارىلىپ, تٶبەدەن سۋ سورعالاعان تۇر. جۇرت تٸپتٸ, ٷيدٸڭ تىيىم سالىنعان جەرگە تۇرعىزىلعانىن دا ەندٸ ەستٸپتٸ. سونىڭ كەسٸرٸنەن, مۇندا گازدى دا تارتقىزا الماي وتىر ەكەن, دەپ حابارلايدى كتك ارناسى.
بۇل تەك تٶمەنگٸ قاباتتاعى پەتەرلەردٸڭ جاعدايى. سۋ اققان تٶبە قۇلاۋ الدىندا تۇرسا, قابىرعالار ىلعالدان كٶگەرٸپ كەتكەن. كەي جەرلەرٸ قاقىراي باستاپتى. بٸراق, مۇنىڭ ٶزٸ تٷك ەمەس دەيدٸ تۇرعىندار. سەبەبٸ, جۋىردا جۇرت ونسىز دا كەم-كەتٸگٸ باستان اساتىن ٷيدٸڭ بٸر جاققا قيسايعانىن بايقاعان.
ٷيدٸڭ ەڭكەيگەنٸ جەرتٶلەدەن انىق بايقالاتىن دەيدٸ تۇرعىندار. بٸراق, تٸلشٸلەر كەلەدٸ دەگەندٸ ەستٸگەن قۇرىلىسشىلار كٷنٸ كەشە ونى تەگٸستەپ كەتٸپتٸ.
ال, جۇرت پەتەردٸ جىلداپ جٷرٸپ جيناعان قارجىسىنا ساتىپ العان. كٶبٸنٸڭ مۇندا كٶشٸپ كەلگەنٸنە 1 جىل دا بولماپتى. دەسە دە, از ۋاقىتتىڭ ٸشٸندە كٶرمەگەندەرٸ جوق.
«قار جاۋعاندا مىنا كٶلٸك تۇراعىنىڭ شاتىرى وپىرىلىپ تٷستٸ. ال, سونىڭ استىندا بالالار قالسا نە بولاتىن ەدٸ?! مۇندا ويىن الاڭى دا جوق. بالالارىمىز وسى ٷيدٸڭ اينالاسىندا جٷرەدٸ», - دەيدٸ الماتى تۇرعىنى سامال يسينا.
ٷيدٸڭ قۇجاتتارىندا دا شيكٸلٸك كٶپ. 3 جىل بۇرىن پايدالانۋعا بەرٸلسە دە, ەلٸ مەملەكەتتٸك اكتٸ جوق. ال, قالانىڭ ورتالىعىندا كٶگٸلدٸر وتىنسىز ٶمٸر سٷرٸپ جاتقان جۇرت مۇنىڭ دا سەبەبٸن ەندٸ بٸلٸپ وتىر. سەبەبٸ, نىسان تىيىم سالىنعان اۋماققا سالىنعان.
«قىزىل سىزىقتا» تۇرماۋ كەرەك نەگٸزٸندە. ەكٸمدٸك قايدا قاراپ وتىر?», - دەپ اشىندى تاعى بٸر تۇرعىن جانبوتا سەدەت.
تۇرعىندار مۇڭىن ايتىپ ەكٸمدٸككە تالاي بارعان. بٸراق, ونداعىلار بۇل ٷيدەن ەشقانداي قاۋٸپ كٶرمەپتٸ. ٷيدٸ سالعان كۇرىلىس كومپانيياسىنىڭ دا جاۋابى وسىعان سايادى.
«بٸزدٸڭ سوققان ٷي قيسايعان جوق. ساراپتامانىڭ قورتىندىسى جوق. ٷيگە 3 جىلداي بولدى. 3 جىلدىڭ ٸشٸندە وتىرۋى كەرەك», - دەپ تٷسٸندٸردٸ «ستروي مودۋل سەرۆيس» كومپانيياسىنىڭ زاڭگەرٸ رٷستەم بٶلتٸرٸكوۆ.
ال, تۇرعىندار ٷيدٸڭ قاۋٸپسٸز ەكەنٸنە شەنەۋنٸكتەر كەپٸلدٸك بەرسە دەيدٸ. سەبەبٸ, ولار كٷندەردٸڭ كٷنٸندە شاحانداعى جۇرتتىڭ كٷيٸن كەشەمٸز بە دەپ قورقىپ وتىر.
