Almatyda sailaý ýchaskeleriniń qyzmetkerleriniń arasynan 8 adamnan virýs anyqtaldy. Bul týraly Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifingte aitty, dep habarlaidy "Ult aqparat".
«2020 jyly 29 jeltoqsanda sailaý komissiiasynyń qyzmetkerleri, baqylaýshylar, senimdi tulǵalar KVI testileýinen ótetini jariialanǵan bolatyn. Bul jumys 3 qańtardyń túngi 24:00-ge deiin aiaqtalýy tiis bolatyn. Osydan keiin tirkeý bastaldy. 3 qańtarǵa deiin 10 myń adam tirkelgen. Onyń ishinde 5000 baqylaýshy, senimdi tulǵalar, basqalar da bar. Bul jumystar 5 qańtardan bastap atqaryla bastady. 2 táýlikte 5840 adam tekserildi. Qalǵan 4000 astam adam eki kúnde tekseriledi. Osylardyń arasynan 8 adamnan virýs anyqtaldy. Olar jumystan shettetildi. Olardyń naqty baqylaýshylar, senimdi tulǵalar, sailaý komissiiasy jumyskerleri ekenin aita almaimyz. Bul málimet azdan keiin belgili bolady», - dedi Jandarbek Bekshin.
Onyń aitýynsha, Almatyda qańtardyń basynda 600-den astam adam virýs juqtyrǵan.
